શાઓમીએ ભારતમાં લોન્ચ કર્યા MI KN95 માસ્ક,રિયૂઝેબલ અને કન્ફર્ટેબલ

નવી દિલ્હીઃ ચીનની સ્માર્ટફોન કંપની શાઓમીએ મંગળવારે ભારતમાં MI માસ્ક લોન્ચ કર્યું. કોવિડ 19 ની સ્થિતિમાં સલામતીના હેતુ માટે શાઓમીએ ભારતમાં Mi KN95 માસ્ક લોન્ચ કર્યા છે, જેમાં 2 માસ્કના સેટની કિંમત 250 રૂપિયા છે. બીજી બાજુ, જો તમે 5 માસ્કનો સેટ ખરીદો છો, તો તમારે 600 રૂપિયા ચૂકવવા પડશે.

શાઓમીએ દાવો કર્યો છે કે નવા એમઆઇ કેએન 96 માસ્ક 4 લેયરમાં છે, જે 95% બેક્ટેરિયા ફિલ્ટર કાર્યક્ષમતા (BFE) અને પાર્ટિકલ ફિલ્ટર કાર્યક્ષમતા (PEE)થી સજ્જ છે. ઉપરાંત, ઉપયોગમાં લેવામાં આવતા ફેબ્રિકમાંથી નાના કણો પણ ફિલ્ટર થાય છે. એમઆઈના આ માસ્ક mi.com, mi homes અને રિટેલ સ્ટોર્સ પર વેચાણ માટે ઉપલબ્ધ છે.

Mi KN95 Maskની ખાસયતો
Mi KN95 માસ્કની વિશેષતાઓ વિશે વાત કરતાં, શાઓમીએ દાવો કર્યો છે કે આ 4 લેયર માસ્કનો બાહ્ય અને આંતરિક સ્તર નોન-વુવન મટીરિયલથી બનેલો છે, જે વાયરસ અથવા પ્રદૂષિત કણોને ફિલ્ટર કરે છે અને સાથે શ્વાસ લેવામાં કોઈ સમસ્યા થતી નથી. આ માસ્ક 1-5 માઈક્રોન જેવા નાના કદના કણોને પણ ફિલ્ટર કરે છે. આ MI માસ્ક નરમ અને હળવા વજનના છે, જેના કારણે લોકો તેને લાંબા સમય સુધી કાન અથવા નાકમાં દુખાવો થયા વગર પહેરી શકે છે.

રિયૂઝેબલ અને કંફર્ટેબલ
શાઓમીના આ માસ્કને તમે ધોઈને ફરીથી ઉપયોગ કરી શકો છો. સાથે માસ્કમાં નોઝ પિન પણ આપવામાં આવી છે, જેનાથી તેને પહેરવામાં સરળતા રહે છે અને તે વારંવાર ખુલતું નથી. તમે તેને તમારી સુવિધા અનુસાર પહેરી શકો છો અથવા ખોલી શકો છો.