યસ બેંકની જેમ 93 વર્ષ જૂની આ બેંક પર પણ તોળાઈ રહ્યું છે સંકટ

દેશની ટોચની પ્રાઇવેટ બેંકો પૈકી એક યસ બેંકની સ્થિતિ હવે કોઈનાથી છૂપાયેલ નથી. દેવાના બોજા નીચે દબાયેલ આ બેંક હવે રિઝર્વ બેંક ઓફ ઇન્ડિયાની પાબંદી હેઠળ છે. તેમજ સરકાર એક યોજના અંતર્ગત યસ બેંકના પુનર્ગઠન પર પણ કામ કરી રહી છે. જેમાં SBI યસ બેંકનો 49 ટકા ભાગ ખરીદી લેશે. જ્યારે બીજા રોકાણકારોને પણ આમંત્રિત કરવામાં આવ્યા છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:હવે યસ બેંકના રસ્તે દેશની બીજી પણ એક પ્રાઈવેટ સેક્ટર બેંક આગળ વધી રહી છે. આ બેંકે દેશના ઇતિહાસમાં 90 કરતા વધારે વર્ષથી કામ કર્યું છે. જોકે હવે આ બેંકનો કેપિટલ એક્વિડિટી રેશિયો (CAR) ઓછામાં ઓછી જરુરી સંખ્યા કરતા પણ ઘણો નીચે છે. આ બેંકનું નામ છે લક્ષ્મી વિલાસ બેંક જેનો કેપિટલ એક્વિડિટી રેશિયો 9 ટકાની આસપાસ રહેવો જોઈએ તેની જગ્યાએ માત્ર 3.46 ટકા જ છે.CAR એ બેંક પાસે કેટલી રકમ જમા પડી છે તે માપવાની એક પ્રક્રિયા છે. હકીકતમાં આ બેંકના જોખમી ફંડ અંગેના આંકડા જણાવે છે. તેવામાં લક્ષ્મી વિલાસ બેંક પોતાનો શેર વેચીને રિવાઇવલ કરવાનો પ્લાન ધરાવે છે જે તેણે RBI સમક્ષ રજૂ કર્યો છે. આ સ્થિતિમાં લક્ષ્મી વિલાસ બેંકમાં ભાગ ખરીદવા માટે કોટક બેંક સહિત અનેક રોકાણકાર આગળ આવ્યા છે.રિઝર્વ બેંક ઓફ ઇન્ડિયાએ આ જ વર્ષે લક્ષ્મી વિલાસ બેંક પર આકરી કાર્યવાહી કરતા તેને પ્રોમ્પ્ટ કરેક્ટિવ એક્શન ફ્રેમવર્કમાં નાખી દીધી હતી. જેનો અર્થ છે કે આ બેંક હવે ન તો નવી લોન આપી શકે છે ન તો નવી બ્રાંચ ખોલી શકે છે. RBI આવું પગલું ત્યારે જ ભરે છે જ્યારે તેને દેખાય કે કોઈ બેંક આવક નથી કરી રહી કે તેનું NPA ખૂબ વધારે વધી ગયું છે. તાજેતરમાં RBIએ લક્ષ્મી વિલાસ અને ઇન્ડિયાબુલ્સ હાઉસિંગ ફાઈનાન્સ વચ્ચેના મર્જર પ્રસ્તાવને પણ નકારી કાઢ્યો હતો.1926થી શરુ થયેલી આ બેંકની હાલ દેશભરમાં કુલ 569 બ્રાંચ છે. જ્યારે 1046 ATM છે. આઝાદી બાદ રિઝર્વ બેંક ઓફ ઇન્ડિયા દ્વારા 1958માં આ બેંકને લાઈસન્સ આપવામાં આવ્યું હતું. આ બેંકની બ્રાંચ અને ફાઈનાન્શિયલ સેંટર ખાસ કરીને આંધ્રપ્રદેશ, કર્ણાટક, કેરળ, ઉપરાંત દિલ્હી, મુંબઈ અને કોલકાતા છે.