Yes Bankમાં ધોવાણ સતત ચાલુ, આજે શેરે 42.50 રુપિયાનું નવું તળીયું બનાવ્યું

મુંબઈ: છેલ્લા કેટલાય સમયથી સતત ધોવાઈ રહેલા Yes Bankના શેરે આજે નવું જ તળીયું બનાવ્યું છે. સોમવારે આ શેર 48.05ના ભાવે ખૂલ્યો હતો, અને 11 વાગ્યા સુધીમાં તે ગબડીને 42.65 રુપિયા પર આવી ગયો હતો. આ લખાય છે ત્યાં સુધીમાં યસ બેંક 12.10 ટકાના ઘટાડા સાથે 42.90 રુપિયાના લેવલ પર ટ્રેડ થઈ રહ્યો હતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો રિઝર્વ બેંકે યસ બેંકને મૂડી ઉભી કરવાની પરવાનગી આપી દીધી હોવા છતાં બેંકનો શેર સતત તૂટી રહ્યો છે. બેકે એક્સચેન્જને જણાવ્યું હતું કે, મધ્યસ્થ બેંકે તેને શેર કેપટિલ ઉભું કરવા માટેની મંજૂરી આપી દીધી છે, અને હવે બેંક શેર હોલ્ડર્સની મંજૂરી લઈ પોતાની યોજનામાં આગળ વધશે. Yes Bank હાલ 800 કરોડ રુપિયાની મૂડી ઉભી કરવા માટે યોજના બનાવી રહી છે. બેંકની કરોડો રુપિયાની લોન એનપીએમાં પરિવર્તિત થઈ ગઈ હોવાથી તેના પર ખાસ્સું દબાણ છે. ગયા સપ્તાહે જ બેંકે જણાવ્યું હતું કે, તેના કેપિટલ રેઈઝ પ્લાનમાં વિદેશી ઉપરાંત દેશના રોકાણકારોએ પણ રસ બતાવ્યો છે. બીજી તરફ Yes Bankના પ્રમોટર રાણા કપૂર તેમાંથી પોતાો હિસ્સો ઘટાડી રહ્યા છે. રાણા કપૂરે હાલમાં જ પોતાની પાસે રહેલા 1.8 ટકા શેર વેચ્યા હતા. મૂડીએ પોતાના એક રિપોર્ટમાં જણાવ્યું હતું કે, Yes Bank અને Indusland Bank કોમર્શિયલ રિઅલ એસ્ટેટમાં મોટા પાયે સીધું એક્સપોઝર ધરાવે છે, અને જો આ સેક્ટરની સ્થિતિ ન સુધરી તો બંને બેંકોની હાલત વધુ કથળી શકે છે.