નવી દિલ્હી: નાણાકીય સંકટનો સામનો કરી રહેલી ખાનગી ક્ષેત્રની યસ બેંકે 15 હજાર કરોડ રૂપિયા ફોલો-ઓન પબ્લિક ઓફર (FPO) દ્વારા એકત્ર કરવાની જાહેરાત કરી છે. આ ઈસ્યૂ 15 જુલાઈએ ખુલશે અને 17 જુલાઈએ બંધ થશે. તેના માટે બેઝ પ્રાઈઝ 12 રૂપિયા પ્રતિ શેર નક્કી કરવામાં આવી છે. એફપીઓ માટે વધુમાં વધુ કિંમત 13 રુપિયા પ્રતિ શેર હશે. એ જ રીતે 2 રૂપિયાના શેર માટે ફ્લોર પ્રાઈઝ 6 ગણી અને કેપ પ્રાઈઝ 6.5 ગણી રાખવામાં આવી છે. બોલી લગાવનારા ઓછામાં ઓછા 1 હજાર શેરની બોલી લગાવી શકશે. તે પછી તે હજારના મલ્ટીપલમાં વધી શકે છે. બેંકે પાત્ર કર્મચારીઓ માટે એક રૂપિયા પ્રતિ શેરની વિશેષ છૂટની પણ જાહેરાત કરી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial
અડધી કિમતે શેર
બેંકના ચીફ એક્ઝિક્યુટિવ અને મેનેજિંગ ડિરેક્ટર પ્રશાંત કુમારે આજે કહ્યું કે, એફપીઓથી મળનારી 15 હજાર કરોડની પૂંજી બેંકના બે વર્ષની ગ્રોથ જરૂરિયાતોને પૂરી કરવા માટે પૂરતી હશે. તેમણે કહ્યું કે, ખર્ચ ઓછો કરવા માટે કર્મચારીઓની સંખ્યા મર્યાદિત કરવામાં આવી રહી છે. એસબીઆઈએ માર્ચમાં યસ બેંકને સંક્ટમાંથી ઉગારી હતી. બેંક શુક્રવારે પોતાના શેરના બંધ ભાવથી લગગભ અડધી કિંમત પર શેર વેચી રહી છે. બેંકમાં એસબીઆઈની 49 ટકા ભાગીદારી છે અને તેના સેન્ટ્રલ બોર્ડે યસ બેંકના એફપીઓમાં વધુમાં વધુ 1,760 કરોડ રૂપિયાના રોકાણની મંજૂરી આપી દીધી છે.
કોર્પોરેટ દેવું ઘટાડવાનો પ્રયાસ
કુમારે કહ્યું કે, બંકમાં કોર્પોરેટ ગર્વનન્સના મુદ્દા અને ફસાયેલી એસેટની ઓળખ કરી લેવામાં આવી છે અને નવા મેનેજમેન્ટે ગત બે ક્વાર્ટરમાં તેના માટે જોગવાઈ કરી હતી. જોકે, તેમણે માન્યું કે કોવિડ-19ના કારણે એક ટકા પૂંજીની જોગવાઈ કરવી પડી શકે છે. તેમણે કહ્યું કે, બેંક પોતાના લોન પોર્ટફોલિયોમાં કોર્પોરેટ દવાને ઘટાડીને 40 ટકા કરવાનો પ્રયાસ કરી રહી છે, જે હાલમાં 55 ટકા છે.
તેમણે કહ્યું કે, એફપીઓ માટે એન્કર રોકાણકારોના નામ મંગળવારે સાંજે જાહેર કરાશે. જોકે, એલાઈસી અને પ્રાઈવેટ ઈક્વિટી ફર્મનું નામ જોરશોરથી ચાલી રહ્યું છે. પરંતુ, કુમારે નવા રોકાણકારોના નામનો ખુલાસો કરવાનો ઈનકાર કરતા કહ્યું કે, વિદેશી સંસ્થાગત રોકાણકારોએ પણ બેંકમાં રસ દાખવ્યો છે. યસ બેંકે મહારાષ્ટ્રમાં કંપની રજિસ્ટાર સમક્ષ 7 જુલાઈ, 2020એ રેડ હેરિંગ પ્રોસ્પેક્ટ્સ (RRP) દાખલ કર્યો હતો.
અહીં જોવા મળ્યા દુર્લભ પ્રજાતિના પીળા દેડકાં, આ રંગ પાછળ છે ‘રોમેન્ટિક’ કારણ