પોતાના 'X' ક્રોમોઝોમના લીધે કોરોનાને હરાવવામાં સફળ થઈ રહી છે મહિલાઓ

અગાઉના રિસર્ચમાં પણ જોવા મળી રહ્યું છે કે, મહિલાઓ કરતા પુરુષો માટે કોરોના વાયરસ વધારે ઘાતક સાબિત થઈ રહ્યો છે. શરુઆતના સમયમાં આમ થવા પાછળનું કારણ મેલ હોર્મોન ટેસ્ટોસ્ટેરોન સામે આવ્યું હતું. પરંતુ હવે તેમાં વધુ કેટલીક માહિતી સામે આવી છે. જેમાં ક્રોમોઝોમ, એસીઈ-2 પ્રોટીન અને દૈનિક જીવન સાથે જોડાયેલી કેટલીક ખાસ ગતિવિધિઓનો સમાવેશ થાય છે.

ઈસીઈ-2 રિસેપ્ટર્સનો રોલ

કોરોના વાયરસના સંક્રમણ અને તેના માનવીય શરીર પર પ્રભાવની દિશામાં રિસર્ચ કરનારી અલગ-અલગ ટીમોના વૈજ્ઞાનિકો ઘણાં અલગ-અલગ કારણ શોધી રહ્યા છે, જે પુરુષોના શરીરમાં મહિલાઓના શરીરની સરખામણીમાં ઘણાં વધારે ઝડપથી કોરોના સંક્રમણ ફેલાવાનું કારણ બને છે.

જેમાંથી એક મુખ્ય કારણ એ છે કે, એસીઈ-2 રિસેપ્ટર્સ. આ રિસેપ્ટર્સ એક ખાસ પ્રકારનું પ્રોટીન હોય છે. જેને પોતાના નિયંત્રણમાં લીધા બાદ વાયરસ ઝડપથી શરીરમાં ફેલાય છે. વૈજ્ઞાનિકોનું માનવું છે કે મહિલાઓની સરખામણીમાં પુરુષોના શરીરમાં રિસેપ્ટર વધારે પ્રમાણમાં હોય છે.

જેની સાથે જ ઈસીઈ-2 રિસેપ્ટર્સ એ લોકોમાં વધારે પ્રમાણમાં જોવા મળે છે, જેમને હાર્ટની બીમારી કે ડાયાબિટિસ હોય છે. આ એક મોટું કારણ છે કે કોરોનાની ચપેટમાં હૃદય રોગથી પીડિત અને સુગરના રોગીઓ વધુ સંખ્યામાં આવી રહ્યા છે. આ રિસર્ચ એપ્રિલ મહિનામાં ફ્રન્ટિયર્સ પબ્લિક હેલ્થમાં પ્રકાશિત થયું છે.

ક્રોમોઝોમની શું અસર થાય છે?

મોટાભાગના લોકો એ વાતને માને છે કે મહિલાઓના શરીરમાં XX ક્રોમોઝોમ હોય છે અને પુરુષોના શરીરમાં XY ક્રોમોઝોમ હોય છે. આ ક્રોમોઝોમ જ શરીરનું લિંગ નક્કી કરે છે. કોરોનાને લઈને ચાલી રહેલા અભ્યાસમાં હાલમાં જ એ વાત સામે આવી છે કે ક્રોમોઝોમ ઈમ્યુનિટીને પણ પ્રભાવિત કરે છે.

હેલ્થ એક્સપર્ટનું કહેવું છે કે કરોના સંક્રમણને શરીરમાં ફેલાવાથી રોકવામાં XX ક્રોમોઝોમ ઘણાં જ ઝડપથી એક્ટિવ થાય છે. આ શરીરની રોગ પ્રતિરોધક ક્ષમતાને ક્રિયાશીલ બનાવવાની સાથે જ વધારે પ્રભાવિત બનાવવામાં ઉપયોગી બને છે.

હોર્મોન્સની ભૂમિકા શું હોય છે?

જે પુરુષોના શરીરમાં ટેસ્ટોસ્ટેરોન હોર્મોનની અછત છે, તેમને કોરોના સંક્રમણ ઝડપથી પોતાના સકંજામાં લઈ લે છે. આવું એટલા માટે કારણ કે આ જ હોર્મોન શરીરમાં કોરોના વાયરસના પ્રવેશ થવા પર, સંક્રમણના કારણે ફેફસા અને શરીરના અન્ય ભાગમાં સોજા નથી આવવા દેતા.

જો શરીરમાં આ હોર્મોનની અછત હોય છો શરીર એન્ટિઈફ્લામેન્ટ્રી રિસ્પોન્સ નથી આપતું અને કોરોના સંક્રમણ ઝડપથી ફેલાય છે. પુરુષોને કોરોનાથી બચવા માટે તેમના શરીરમાં 70% હોવું જોઈએ.

ટેસ્ટોસ્ટેરોન એક મેલ હોર્મોન છે અને પુરુષોની સેક્સ લાઈફને નિયંત્રિત કરે છે. પરંતુ આ હોર્મોન મહિલાઓમાં પણ હોય છે. મહિલાઓના શરીરમાં 60% પ્રમાણમાં ટેસ્ટોસ્ટેરોન સારી રીતે કામ કરે છે અને તેમનામાં કોરોના વાયરસના પ્રભાવને ઓછો કરે છે.

અન્ય ગતિવિધિઓ

હેલ્થ એક્સપર્ટ્સનું માનવું છે કે જો કુલ વસ્તીની વાત કરીએ તો મહિલાઓમાં ધૂમ્રપાન, આલ્કોહોલનું સેવન, આળસુ લાઈફ સ્ટાઈલ જેવી ગતિવિધિ ઓછી જોવા મળે છે. જ્યારે તેનાથી ઉલટું પુરુષોમાં જોવા મળે છે. જેનો ખતરનાક પ્રભાવ પડે છે, જે કોરોના કાળમાં વધારે જોવા મળે છે.