'નથી ખબર કે રસી પ્રાપ્ત થશે કે નહી'
ન્યૂઝ એજન્સી રોઈટર્સ મુજબ, કેટ બિંઘમે કહ્યું છે કે એવી સંભાવના છે કે શરુઆતમાં કોરોના વાયરસની રસી બધા પર અસર નહીં કરે. તેમણે એમ પણ કહ્યું છે કે, "જોકે, અમને નથી ખબર કે ક્યારેય કોરોના વાયરસની વેક્સીન મળી શકશે કે નહીં. એ મહત્વપૂર્ણ છે કે આપણે બેદરકારી ના દાખવીએ અને અતિ-આશાવાદથી બચીએ." એટલે કે કોરોના વાયરસથી બચવા માટે સામાજિક અંતર અને માસ્ક સૌથી મહત્વપૂર્ણ છે.
ફાઈઝરે સપ્લાય કરવાની છે 10 કરોડ રસી
ફાઈઝરે અમેરિકાની સરકારને આ વર્ષના અંત સુધીમાં કોરોના વાયરસની રસીના 4 કરોડ ડોઝ સપ્લાય કરવાના છે, અને આ કંપની માર્ચ 2021 સુધીમાં 10 કરોડ ડોઝ સપ્લાય કરવાની છે. તેમણે એ પણ જણાવ્યું કે, "જો બધું બરાબર રહ્યું તો અમે શરુઆતના ડોઝ ડિસ્ટ્રીબ્યુટ કરી શકીશું." જોકે, આ કંપનીની કોરોના વેક્સીન હજુ સુધી તેની નક્કી કરેલી અસરકારકતા (efficacy) સુધી પહોંચી શકી નથી.
નવેમ્બરમાં અપ્રૂવલ માટે કરશે અરજી
બૂર્લા મુજબ, કંપનીને આશા છે કે તે નવેમ્બરના ત્રીજા અઠવાડિયા સુધીમાં કોરોના વાયરસની વેક્સીનને ઈમર્જન્સી ઉપયોગ કરવાની મંજૂરી માટે અરજી કરી દેશે. તેમણે એમ પણ કહ્યું છે કે, "હું બળજબરીથી આ ના કરી શકું કે કોરોના વેક્સીન કામ કરશે. હું સાવધાની સાથે આશા વ્યક્ત કરું છું કે કોરોના વાયરસ વેક્સીન કામ કરશે." એટલે કે હજુ કોરોના વાયરસની રસી આવે તેના માટે અમેરિકાએ રાહ જોવી પડી શકે છે.
કોરોના વાયરસના લીધે ફાઈઝરને નુકસાન
ફાઈઝરને સતત ત્રીજા મહિને 4 ટકાનુ નુકસાન ભોગવવું પડ્યું છે. કંપનીનું એવું અનુમાન છે કે કોરોનાના કારણે ડિમાન્ડ ઘટી જેનાથી 500 મિલિયન ડૉલરનું નુકસાન થયું છે. ફાઈઝરના નફામાં 71%નું નુકસાન નોંધાયું છે. જેને 2.1 બિલિયન ડૉલરનો પ્રોફિટ થયો છે. આવામાં કંપનીને પડી રહેલા ફટકાની અસર કોરોના વાયરસની રસીની ચાલી રહેલી કામગીરી પર પણ પડશે તેવું અનુમાન લગાવવામાં આવી રહ્યું છે.
કોરોના સામે મળીને લડશે ભારત-અમેરિકા
ભારત અને અમેરિકાએ મંગળવારે કોરોના-19 મહામારીથી લડવા માટે સમજૂતીનો સંકલ્પ બનાવ્યો છે. વિદેશ મંત્રી એસ જયશંકર અને સંરક્ષણ મંત્રી રાજનાથસિંહ તથા અમેરિકાના વિદેશ મંત્રી માઈક પોમ્પિયો અને સંરક્ષણ મંત્રી માર્ક ટી એસ્પર વચ્ચે 2+2 બેઠકમાં કોરોના પર પણ ચર્ચા થઈ. નિવેદનમાં કહેવાયું છે કે, "તેમણે રસી, ઉપચાર, નિદાન, વેન્ટિલેટર અને અન્ય જરુરી ચિકિસ્તા ઉપકરણોના વિકાસમાં સહયોગ મજબૂત કરવાનો સકલ્પનું પૂનરાવર્તન કર્યું છે."