52 વર્ષના શખ્સે 5 વર્ષની બાળકીને આઈસ્ક્રીમની લાલચ આપીને જાતીય શોષણ કર્યુ

કોઈમ્બતૂરઃ તામિલનાડુના કોઈમ્બતૂરના સરવનમપટ્ટી વિસ્તારમાંથી એક ચોંકાવનારો કિસ્સો સામે આવ્યો છે. અહીં એક 52 વર્ષના શખ્સે એક 5 વર્ષની બાળકીનું કથિત રીતે જાતીય શોષણ કર્યુ હોવાની ફરિયાદ સામે આવી છે. બાળકીના માતા-પિતાએ પોલીસને આ કથિત ગુના વિશે જાણકારી આપી હતી. એ પછી પોલીસ સ્ટેશનમાં ફરિયાદ દાખલ થઈ હતી. આરોપીની ઓળખ ઝહીર હુસેન તરીકે થઈ છે, જને પોલીસે રવિવારે ઝડપી પાડ્યો છે. પ્રાપ્ત રિપોર્ટ મુજબ, હુસેન તેના પરિવાર સાથે ભાડાના મકાનમાં રહે છે. તે અને પીડિત બાળકી પાડોશી છે. રિપોર્ટનું માનીએ તો, શુક્રવારની સાંજે આ બાળકી તેના ઘરની બહાર અન્ય બાળકો સાથે રમી રહી હતી. ત્યારે હુસેને તેને આઈસક્રીમ ખવડાવી હતી. એ પછીતે બાળકીને પોતાના ઘરે લઈ ગયો હતો. જ્યાં તેણે આ જધન્ય ગુનાને અંજામ આપ્યો હતો. અમારા સહયોગી ટાઈમ્સ ઓફ ઈન્ડિયા દ્વારા પ્રકાશિત એક રિપોર્ટ મુજબ, અન્ય પાડાશીએ કથિત રીતે આ ઘટનાનો વિડીયો બનાવી લીધો હો. બાદમાં તેણે આ વિડીયો પીડિતની માતાને બતાવ્યો હતો.
ગોંડલ પાસે ST બસ અને કાર વચ્ચે અકસ્માત, 5નાં મોત, 2 ઘાયલ
આ જોઈને પીડિતની માતા પણ હકબક થઈ હતી. એ પછી પીડિતના માતા-પિતાએ સરવનમપટ્ટી પોલીસ સ્ટેશનમાં આ મામલે ફરિયાદ નોંધાવી હતી. પોલીસે આ મામલે ગુનો નોંધીને આગળની કાર્યવાહી હાથ ધરી હતી. આ મામલો પૂર્વ મહિલા પોલીસ ઈન્સપેક્ટર પાસે મોકલવામાં આવ્યો હતો. ઈન્સપેક્ટરે બાળકોના સંરક્ષણ અધિનિયમ હેઠળ કેસ દાખલ કર્યો હતો. બાદમાં રવિવારની સવારે આરોપીને ઝડપી પાડવામાં આવ્યો હતો. આરોપીને પોક્સો કોર્ટમાં રજૂ કરવામાં આવ્યો હતો. કોર્ટે તેને જ્યુડિશીયલ કસ્ટડીમાં મોકલી આપ્યો હતો. પોલીસે આ મામલે આગળની કાર્યવાહી હાથ ધરી છે.
સુરતમાં કોલેજિયન ગર્લનું શંકાસ્પદ મોત, કોફી શોપમાં થઈ હતી બેભાન
26 વર્ષના યુવકે 6 વર્ષની બાળકી પર આચર્યુ કુકર્મ
ઉત્તર પ્રદેશના બિજનૌર જિલ્લામાં એક 26 વર્ષીય યુવકે 6 વર્ષની બાળકી પર કથિત રીતે કુકર્મ આચર્યુ હોવાની ઘટના પણ સામે આવી હતી. શહબાઝ તરીકે ઓળખ થયેલા આરોપીએ આ ગુનાને ત્યારે અંજામ આપ્યો કે જ્યારે બાળકી સ્કૂલે જઈ રહી હતી. આરોપી તેને એક બિલ્ડીંગમાં લઈ ગયો હતો અને કથિત રીતે તેના પર કુકર્મ આચર્યુ હતું. બાદમાં પીડિતા ઘરે પરત ફી તો પોતાના માતા-પિતાને આખી વાતની જાણ કરી હતી. એ પછી પોલીસ ફરિયાદ થતા આરોપીની ધરપકડ કરી લેવામાં આવી હતી.