ગાંધીનગરઃ જામનગરની GPCB(ગુજરાત પ્રદુષણ નિયંત્રણ બોર્ડ)માં પ્રાદેશીક અધિકારી તરીકે ફરજ બજાવતા ક્લાસ વન અધિકારી ભાયાભાઈ ગીગાભાઈ સુત્રેજાને લાંચની રકમ સાથે પકડ્યા બાદ વધુ તપાસ કરતા તેમની પાસેથી 2 કિલો સોનું અને 55 લાખની રોકડ મળી આવી હતી. ACB 1.27 કરોડનો મુદ્દામાલ કબેજે કરી અપ્રાણસર મિલકત મામલે ફરિયાદ દાખલ કરી વધુ તપાસ હાથ ધરી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
આ અધિકારી જામનગરથી પોતાના નિવાસસ્થાન ગાંધીનગર આવતા હતા ત્યારે જ ટ્રાવેલ્સની બસમાંથી નીચે ઊતરતી વખતે ACBએ રંગેહાથ ઝડપી લીધાં. તે સમયે તેમની બેગમાંથી 5 લાખ મળી આવ્યા હતા. ત્યાર બાદ ઘરે જઈને વધુ તપાસ કરવામાં આવી તો ત્યાંથી વધુ 5 લાખ રોકડ અને 20 ગ્રામ સોનાની લગડી મળી.
ગાંધીનગર સેક્ટર 21માં આવેલી SBI બેંકમાં તેમના બે લોકર હોવાનું સામે આવ્યું. તેની તપાસ કરવામાં આવતા તેમાંથી 70 લાખથી વધુ કિંમતના સોના-ચાંદીના ઘરેણાં અને કુલ મળી 55 લાખની રોકડ રકમ મળી આવી હતી. આ રકમના કોઈ દસ્તાવેક કે પુરાવા ન મળતા ભાયાભાઈ સામે અપ્રમાણસર મિલકતનો ગુનો દાખલ કરી વધુ તપાસ હાથ ધરી છે.