અમદાવાદ: રિવરફ્રન્ટ પર પત્નીને પ્રેમી સાથે એકાંત માણતા પકડી અને પછી...

અમદાવાદ: આજકાલ રિવરફ્રન્ટ પ્રેમીપંખીડાઓ માટેનો અડ્ડો બની ગયું છે. જોકે, આવા પ્રેમાલાપમાં ક્યારેક મોટા બખેડા પણ થઈ જતા હોય છે. તાજેતરમાં જ રિવરફ્રન્ટ પર એવી સ્થિતિ સર્જાઈ કે સૌ જોતા રહી ગયા હતા. બન્યું એવું કે, એક પતિએ તેની પત્નીને રિવરફ્રન્ટ પર તેના પ્રેમી સાથે એકાંતની પળો માણતી ઝડપી લીધી. પણ, ઉલટાનું ‘ચોર કોટવાલને દંડ’ એમ પત્ની લાજવાને બદલે ગાજવા માંડી અને પતિ સાથે ઝઘડો કર્યો. પત્ની ઝઘડો બંધ કરવાનું નામ જ લેતી ન હતી એટલે આખરે પતિએ પોલીસની મદદ લેવી પડી. જોકે, બાદમાં બંને વચ્ચે સમાધાન થઈ જતાં પતિએ ફરિયાદ ન નોંધાવી. શાહઆલમમાં રહેતા 39 વર્ષના સમીરે (નામ બદલ્યું છે) 10 વર્ષ પહેલા રેશ્મા સાથે પ્રેમ લગ્ન કર્યા હતા. છેલ્લા ચાર વર્ષથી રેશ્મા (નામ બદલ્યું છે) તેના પીયરમાં રહેતી હતી. સમીર ઘણી વખત તેને લેવા ગયો, પણ રેશ્મા નોકરીનું બહાનું કરી આવવાનું ટાળતી રહી. રેશ્મા એક ખાનગી કંપનીમાં નોકરી કરે છે. દરમિયાનમાં સમીરને શંકા ગઈ હતી કે, તેની પત્નીના અન્ય પુરુષ સાથે સંબંધ છે. એટલે, તેણે તેનો પીછો કરવાનું શરૂ કર્યું અને તેની પત્ની અને તેના પ્રેમીને રિવરફ્રન્ટ પર એકાંત માણતા પકડી લીધા. જે બાબતે ત્રણેય વચ્ચે ઝઘડો થતાં મામલો રિવરફ્રન્ટ વેસ્ટ પોલીસ સ્ટેશને પહોંચ્યો. હકિકતમાં બન્યું એવું હતું કે, પત્ની ઝઘડો બંધ કરવાનું નામ જ લેતી હતી એટલે સમીરે જ 100 નંબર પર ફોન કરી પોલીસને કહ્યું હતું કે, ‘સાહેબ મારી પત્નીને મેં તેના પ્રેમી સાથે રિવરફ્રેન્ટ પર બેઠેલી જોતાં મેં તેને પૂછ્યું કે આ કોણ છે અને તું એની સાથે અહીં શું કરે છે, તો એ વાતે બંને મારી સાથે ઝઘડો કરી રહ્યા છે. મને મદદ કરો.’ પોલીસે પ્રેમીની પત્નીને બોલાવી તેના પતિનો લગ્નેતર સંબંધ ખુલ્લો પાડ્યો હતો. જોકે, બંને પરિવારના વડીલોએ સમીરને ફરિયાદ કરીશ તો પરિવારની બદનામી થશે, એમ કહેતા સમીરે ફરિયાદ કરવાનું ટાળ્યું હતું. પોલીસે જણાવ્યું હતું કે, સમીરે જ તેની પત્નીને પ્રેમી સાથે પકડી હતી. પણ, તે પત્નીને પાછી ઘરે લઈ જવા ઈચ્છતો હોવાથી તેણે ફરિયાદ કરવાનું ટાળ્યું હતું. પોલીસે બંને વચ્ચે સમાધાન થઈ ગયાનો જવાબ લેખિતમાં લઈ લીધો છે.