અ'વાદઃ S.G. હાઈવે પર પોશ ફ્લેટમાં રહેતી યુવતિએ પોલીસ સ્ટેશન પહોંચી કહ્યું 'મારો પતિ ગે છે'

I am Gujarat

યુવતિએ કરી ફરિયાદ કે મારો પતિ તો ગે છે

અમદાવાદઃ શહેરના પોશ વિસ્તાર S.G. હાઇવે પર એક પોશ સોસાયટીમાં રહેતી 31 વર્ષીય મહિલાએ પોતાના પતિ વિરુદ્ધ ચીટિંગની ફરિયાદ કરી છે કે તેનો પતિ ગે છે અને પોતાના મિત્રોની સાથે તેમની પત્ની હોય તે રીતે રહે છે. તેમજ આ અંગે વાત કરવાનો પ્રયાસ કરતા તેને માર પણ માર્યો હતો. પત્નીએ પોતાની ફરિયાદમાં કહ્યું તેનો પતિ હોમોસેક્સ્યુલ છે અને તેને સ્ત્રીમાં કોઇ જ રસ નથી.

લગ્નના 6 મહિનામાં ક્યારેય નથી કર્યો મારો સ્પર્શ

તેણે વધુમાં કહ્યું કે, ‘લગ્ન બાદ કપલ ક્યારેય એકબીજા સાથે રહ્યા નથી અને ક્યારેય તેના પતિએ પત્ની તરીકેની તેની જરુરિયાતોને સંતોષી નથી. જ્યારે બંને થોડા સમય પહેલા બેંગલોર ગયા હતા ત્યારે પણ તેને જોયું હતું કે તેનો પતિ પોતાના મિત્રો સાથે જાણે તેમની પત્ની હોય તે રીતે વ્યવહાર કરતો હતો.’ તેને પતિ અને પોતાના સાસુ-સસરા વિરુદ્ધ દહેજની ફરિયાદ પણ નોંધાવી હતી અને કહ્યું હતું કે જ્યારે તેને આ બાબતની જાણ થઈ ત્યારે તેના સાસુ-સસરાએ પતિને કંઈ કહેવાના બદલે મહિલાને જ ધમકાવી હતી અને રુ. 1 લાખ યુવતીના માતા-પિતાની પાસેથી લઈ આવવા માગણી કરી હતી.

પોતાના મિત્રો સાથે રાખે છે સંબંધ

પરિવારની સહમતીથી ગત માર્ચ 2018માં કપલના અરેન્જ મેરેજ થાય હતા. જે બાદ કપલ મનાલી ખાતે હનીમૂન માટે ગયું હતું. જ્યાંથી પરત ફરતા જ તેનો પતિ બેંગલોર પોતાની જોબ માટે ચાલ્યો ગયો હતો અને યુવતિ પોતાના અંકલના ઘરે પ.બંગાળ ખાતે ગઈ હતી. યુવતિએ કહ્યું કે તેને આ બાબતનો ખ્યાલ આવતા તેણે પોતાના પતિને સમજાવવાનો પ્રયાસ કર્યો હતો અને પોતાના સાસુ-સસરાને પણ આ અંગે દરમિયાનગીરી કરવા કહ્યું હતું. જોકે ઉલ્ટાનું તેના સાસુ-સસરાએ કોઈને કોઈ બહાને યુવતીને પોતાના માતા-પિતા પાસેથી રુપિયા લઈ આવવા કહ્યું હતું.

સાસૂ-સસરાને કહેતા તેમણે ધમકાવી અને લાખ રુપિયા લાવવા કર્યું દબાણ

જોકે મારા માતા-પિતાએ સમાધાન માટે મને મારા પતિ પાસે બેંગલોર મોકલી હતી. જ્યાં હું 29મેથી 14 જુલાઈ સુધી રહી હતી જોકે આ દરમિયાન તેણે ક્યારેય પણ મારી સાથે નિકટતા સાધવાનો પ્રયાસ કર્યો નહોતો. જોકે આ દરમિયાન મે જોયું કે તેના અનેક મિત્રો ઘરે આવતા અને તેની સાથે મરો પતિ પોતે તેમની પત્ની હોય તેવો વ્યવહાર કરતો હતો. જ્યારે મે તેમને સમજાવવાનો પ્રયાસ કર્યો ત્યારે તેમણે મને ધમકાવી હતી. જે બાદ યુવતિ પોતાના માતા-પિતાના ઘરે પરત ફરી હતી અને ફરિયાદ નોંધાવી હતી.