કરોડપતિ વેપારીની દીકરી પર રેપ, યુવકે વિડીયો બનાવી 1.35 કરોડ પણ પડાવ્યા

રતલામ: મધ્ય પ્રદેશના રતલામ જિલ્લામાં બળાત્કાર બાદ બ્લેકમેલિંગનો ચોંકાવનારો કિસ્સો સામે આવ્યો છે. ઈન્દોરના યુવકે કરોડપતિ વેપારીની દીકરીને પ્રેમની જાળમાં ફસાવીને તેના પર બળાત્કાર કર્યો હતો. તેના વાંધાજનક ફોટા અને વિડીયો વાયરલ કરવાનું કહીને બ્લેકમેલ કરીને એક કરોડ રૂપિયાથી વધુની રકમ પણ વસૂલી છે. આ સાથે કરોડો રૂપિયાના સોના-ચાંદીના ઘરેણા પણ પડાવી લીધા. હવે પીડિતાના પિતાએ ફરિયાદ નોંધાવતા પોલીસે આગળની તપાસ હાથ ધરી છે.
ટ્વિન્સ દીકરીઓને જન્મ આપતા સાસરિયાઓએ પરિણીતાને ઘરમાંથી કાઢી મૂકી
મળતી માહિતી મુજબ પીડિતા MBAના અભ્યાસ માટે ઇન્દોર ગઇ હતી. ઈન્દોરમાં અભ્યાસ દરમિયાન તેની નિશીત બાફના નામના યુવક સાથે મિત્રતા થઈ હતી. આ દરમિયાન યુવકે પીડિતાના ઘરે જવાનું શરૂ કર્યું. પીડિતાએ પોલીસને જણાવ્યું હતું કે, માર્ચ 2019માં આરોપી યુવક ઘરે આવ્યો હતો અને તેની કેટલીક વાંધાજનક તસવીરો લીધી હતા. ત્યારબાદ યુવકે પીડિતાને બ્લેકમેલ કરવાનું શરૂ કર્યું હતું.
દુલ્હને 90 હજાર રૂપિયા લઈને દિવ્યાંગ વરરાજા સાથે લગ્ન કર્યા, રાતે ભાગી ગઈ
આ સિલસિલો 2019થી જ શરૂ થયો હતો. બદનામી થવાના ડરથી પીડિતાએ તે સમયે તેના પરિવારના લોકોને આ વાત કહી ન હતી. યુવકે બ્લેકમેલ કરતા યુવતી ઘરની તિજોરીમાં રાખેલા રૂપિયા અને દાગીના આપવાનું શરૂ કર્યું હતું. આરોપીની સાથે સાથે તેના મિત્રોએ પણ પીડિતા પાસેથી રૂપિયા અને દાગીના પડાવ્યા હતા. આરોપીઓ ઘણીવાર ઓનલાઈન બેકમાં પૈસા ટ્રાન્સફર કરાવ્યા હતા.
BJP MLA રામ કદમનો આક્ષેપ- 'રાજ કુંદ્રાએ ગેમના નામે ₹3,000 કરોડની છેતરપિંડી કરી'
કહેવામાં આવી રહ્યું છે કે, પીડિતા રતલામ જિલ્લાના જાવરા જ્યારે આરોપી યુવક બડાવદાનો રહેવાસી છે. પોલીસમાં નોંધાવેલી ફરિયાદ મુજબ આરોપીએ 1.35 કરરોડ રૂપિયા વસૂલ્યા છે. આ સાથે જ સાડા ત્રણ કિલો સોનું અને 15 કિલો ચાંદીના દાગીના પણ પડાવ્યા છે. પીડિતાની ફરિયાદને પગલે પોલીસે આરોપી અને તેના મિત્રો વિરુદ્ધ ફરિયાદ નોંધીને આગળની કાર્યવાહી હાથ ધરી છે. સમગ્ર ઘટનાને પગલે આખા જિલ્લામાં હડકંપ મચી ગયો છે. પોલીસ આરોપીઓની ધરપકડ કરવા માટે દરોડા પાડી રહી છે. આ સાથે જ પડાવેલા રૂપિયા અને દાગીના પણ વસૂલવાના પ્રયાસો કરવામાં આવી રહ્યા છે.