US જવાની ઘેલછામાં અમદાવાદીએ પત્ની પાસે માગ્યા છૂટાછેડા, ન આપતાં ત્રાસ ગુજાર્યો

I am Gujarat

USમાં સ્થાયી થવાની ઘેલછાએ તોડ્યો પરિવાર

અમદાવાદ: ઘાટલોડિયામાં રહેતી 35 વર્ષીય મહિલાએ મંગળવારે સાબરમતી પોલીસ સ્ટેશનમાં પતિ સામે ફરિયાદ નોંધાવી. મહિલાની ફરિયાદ મુજબ તેનો પતિ યુએસની મહિલા સાથે પરણવા માટે છેલ્લા બે વર્ષથી ત્રાસ આપી રહ્યો છે. મહિલાએ પોલીસને જણાવ્યું કે, તેનો પતિ યુએસમાં સ્થાયી થવા માગે છે. મહિલાએ FIRમાં જણાવ્યું કે, “2004માં રાણીપમાં રહેતા વ્યક્તિ સાથે લગ્ન કર્યા. 2007માં મેં પુત્રને જન્મ આપ્યો. અમારું લગ્નજીવન સુખેથી ચાલતું હતું. 2015માં અમે મારી નણંદને મળવા યૂએસના શિકાગો ગયા.” અમારા ન્યૂઝ WhatsApp પર મેળવવા અહીં ક્લિક કરો

છૂટાછેેડા લેવા આપ્યો ત્રાસ

શિકાગોમાં ફરિયાદીની નણંદે પોતાના ભાઈને કહ્યું કે, એક NRI મહિલા છે જે યૂએસની નાગરિક છે. જો મહિલાનો પતિ યૂએસ નાગરિકને પરણે તો તેને પણ યૂએસની નાગરિકતા મળશે. બસ, ત્યારથી જ ફરિયાદીનો પતિ કથિત રીતે બદલાઈ ગયો. ફરિયાદી મહિલાનો પતિ ડિવોર્સ લેવા માટે તેને ત્રાસ આપવા લાગ્યો.

મહિલાને ઘરમાંથી કાઢી મૂકી

પ્રતિકાત્મક તસવીર ફરિયાદી મહિલાએ કહ્યું, “આ વિશે મેં મારા સાસુ-સસરાને વાત કરી તો તેઓ પણ મારા પર અત્યાચાર કરવા લાગ્યા. 25 ફેબ્રુઆરી 2016ના રોજ અમેરિકા જવાનું સપનું રોળવા બદલ પતિએ મને શાપ આપ્યો. તેણે મને ખૂબ મારી. જ્યારે મેં પ્રતિકાર કર્યો તો મારા પતિએ અમારા 12 વર્ષના વર્ષના દીકરાને બીજા રૂમમાં મોકલી મને ઘરમાંથી બહાર કાઢી મૂકી.”