નવગુજરાત સમય > અમદાવાદ
– દારૂબંધીના નવા કાયદા બાદ ગુજરાત-રાજસ્થાનની બોર્ડર વાહનોનું ચેકિંગ કડક બનતા બુટલેગરોએ દારૂની હેરાફેરી માટે ટુ વ્હિલર અપનાવી લીધા છે..! રાજસ્થાનના બિચ્છુવાડાથી આઠ ખેપિયા ચાર નવી નક્કોર એક્ટિવાની ડિક્કી અને પગ પાસે ખીચોખીચ દારૂ ભરેલા થેલા લઈને છેક નરોડા સુધી આવી પહોંચ્યા હતા. જો કે, દારૂ સરદારનગરના બૂટલેગરને ત્યાં પહોંચે તે પહેલા જ નરોડા પોલીસે આઠેયની ધરપકડ કરી ૨.૮૫ લાખની મતા કબજે કરી છે. આરોપીઓએ કબૂલાત કરી છે કે, બોર્ડર પર ચેકિંગ દરમિયાન પકડાવાય નહીં માટે તે ટુ વ્હીલર પર દારૂ લાવ્યાં હતા.
નરોડા પોલીસે વાહન ચેકિંગ દરમિયાન આજે નાના ચિલોડા સર્કલ ખાતે ચાર નવી નક્કોર એક્ટિવા પર પસાર થઈ રહેલા આઠ શખ્સોને શંકાના આધારે અટકાવ્યાં હતા. એક્ટિવામાં પગ મુકવાની જગ્યાએ મુકેલા થેલા તપાસતા ચારેય એક્ટિવાના થેલામાંથી દારૂની બોટલો મળી આવી હતી. એટલું જ નહીં ડિક્કી તપાસતા તેમાં પણ દારૂની બોટલો ખીચોખીચ ભરેલી હતી. પોલીસે મૂળ રાજસ્થાનના ભેરૂલાલ ડામોર (ઉં.૨૩) સહિત કુલ આઠની ધરપકડ કરી હતી.
આરોપીઓએ કબૂલાત કરી છે કે, આ દારૂ બિચ્છુવાડાથી રતનસિંગ નામના શખ્સે ભરાવ્યો હતો અને સરદારનગરની સિયાપિયા હોટલ ખાતે સોનુ
નામના બુટલેગરને આપવાનો હતો. પોલીસે રતનસિંગ અને સોનુને વોન્ટેડ દર્શાવી તપાસ શરૂ કરી છે. પોલીસથી બચવાના ટુ વ્હિલરના આ નવા કીમિયાની જાણ ચેક પોસ્ટ પર પણ કરી દેવાઈ હોવાનું પોલીસનું કહેવું છે. આ ઉપરાંત આ આરોપીઓ અગાઉ કેટલીવાર આ રીતે એક્ટિવા પર દારૂની ખેપ મારી ગયા છે અને એક્ટિવા કોના નામે છે જેવા મુદ્દે પોલીસે તપાસ શરૂ કરી છે.
– દારૂબંધીના નવા કાયદા બાદ ગુજરાત-રાજસ્થાનની બોર્ડર વાહનોનું ચેકિંગ કડક બનતા બુટલેગરોએ દારૂની હેરાફેરી માટે ટુ વ્હિલર અપનાવી લીધા છે..! રાજસ્થાનના બિચ્છુવાડાથી આઠ ખેપિયા ચાર નવી નક્કોર એક્ટિવાની ડિક્કી અને પગ પાસે ખીચોખીચ દારૂ ભરેલા થેલા લઈને છેક નરોડા સુધી આવી પહોંચ્યા હતા. જો કે, દારૂ સરદારનગરના બૂટલેગરને ત્યાં પહોંચે તે પહેલા જ નરોડા પોલીસે આઠેયની ધરપકડ કરી ૨.૮૫ લાખની મતા કબજે કરી છે. આરોપીઓએ કબૂલાત કરી છે કે, બોર્ડર પર ચેકિંગ દરમિયાન પકડાવાય નહીં માટે તે ટુ વ્હીલર પર દારૂ લાવ્યાં હતા.
નરોડા પોલીસે વાહન ચેકિંગ દરમિયાન આજે નાના ચિલોડા સર્કલ ખાતે ચાર નવી નક્કોર એક્ટિવા પર પસાર થઈ રહેલા આઠ શખ્સોને શંકાના આધારે અટકાવ્યાં હતા. એક્ટિવામાં પગ મુકવાની જગ્યાએ મુકેલા થેલા તપાસતા ચારેય એક્ટિવાના થેલામાંથી દારૂની બોટલો મળી આવી હતી. એટલું જ નહીં ડિક્કી તપાસતા તેમાં પણ દારૂની બોટલો ખીચોખીચ ભરેલી હતી. પોલીસે મૂળ રાજસ્થાનના ભેરૂલાલ ડામોર (ઉં.૨૩) સહિત કુલ આઠની ધરપકડ કરી હતી.
આરોપીઓએ કબૂલાત કરી છે કે, આ દારૂ બિચ્છુવાડાથી રતનસિંગ નામના શખ્સે ભરાવ્યો હતો અને સરદારનગરની સિયાપિયા હોટલ ખાતે સોનુ
નામના બુટલેગરને આપવાનો હતો. પોલીસે રતનસિંગ અને સોનુને વોન્ટેડ દર્શાવી તપાસ શરૂ કરી છે. પોલીસથી બચવાના ટુ વ્હિલરના આ નવા કીમિયાની જાણ ચેક પોસ્ટ પર પણ કરી દેવાઈ હોવાનું પોલીસનું કહેવું છે. આ ઉપરાંત આ આરોપીઓ અગાઉ કેટલીવાર આ રીતે એક્ટિવા પર દારૂની ખેપ મારી ગયા છે અને એક્ટિવા કોના નામે છે જેવા મુદ્દે પોલીસે તપાસ શરૂ કરી છે.