અમદાવાદઃ માત્ર ગરબા જોવા માટે ગયેલા યુવકને ખબર નહોતી કે ગરબા જોવા તેના માટે એટલું જોખમી બની જશે કે તેનો જીવ જતો રહેશે. 21 વર્ષનો દલિત યુવક આણંદના બોરસદ તાલુકાના ભદ્રાણિયા ગામ માત્ર ગરબા જોવા ગયો હતો તે કારણે સવર્ણ સમાજના ટોળાએ તેને મોતને ઘાટ ઉતારી દીધો. રવિવારે બનેલી આ ઘટનામાં યુવકને ટોળા દ્વારા એટલો બધો માર મારવામાં આવ્યો હતો કે તેનું મોત થઈ ગયું.
ગરબા જોતા દલિતની પૂછપરછ કરી
વણકર વાસમાં રહેતો જયેશ ભાઈલાલભાઈ સોલંકી તેના પિતરાઈ અને અન્ય ત્રણ લોકો સાથે દશેરાના દિવસે મહાદેવ ટેમ્પલ પાસે યોજાતા ગરબા જોવા માટે ગયો હતો. મૃતકના પિતરાઈ પ્રકાશ દ્વારા નોંધાવાયેલી ફરિયાદના આધારે પોલીસે 8 લોકોની ધરપકડ કરી છે. પ્રકાશે પોલીસને જણાવ્યું કે, તેઓ મંદિરની પાસે બેઠા હતા ત્યારે સંજય પટેલ નામનો યુવક આવ્યો અને અમારી પૂછપરછ કરવા લાગ્યો કે અમે અહીંયા શું કરીએ છીએ.
ટોળું આવ્યું અને સંજયને ખેંચી ગયું
પ્રકાશે પોલીસને જણાવ્યું કે ”જ્યારે અમે જણાવ્યું કે, અમે ગરબા જોવા માટે આવ્યા છીએ, તેમણે અમારી સાથે ખરાબ વર્તન કરવાનું શરુ કર્યું અને જાતિવાદી અપમાન કર્યું.” વધુમાં પ્રકાશે જણાવ્યું કે, ‘તે (સંજય પટેલ) પાછો ગયો અને તે બીજા સાત લોકોની સાથે આવ્યો. જયેશ આ બાબતમાં વચ્ચે પડ્યો તો કેટલાક લોકો તેને ખેંચીને લઈ ગયા અને તેની સાથે મારઝૂડ કરવા લાગ્યા.’
8 લોકોની કરાઈ છે ધરપકડ
પ્રકાશે વધુમાં પોલીસને જણાવ્યું કે, ‘બીજા લોકોને આ ઘટના અંગે જાણ થતા સંજય પટેલ અને તેના મિત્રો ત્યાંથી ભાગી ગયા હતા. પછી અમે બેભાન થઈ ગયેલા જયેશને લઈને બોરસદ હોસ્પિટલ અને પછી ત્યાંથી કરમસદ હોસ્પિટલ લઈ ગયા, જ્યાં ડૉક્ટરોએ તેને મૃત જાહેર કર્યો. આણંદના SP સૌરભ સિંઘે ટાઈમ્સ ઓફ ઈન્ડિયા સાથે કરેલી વાતચીતમાં જણાવ્યું કે, આ કેસમાં 8 લોકોની ધરપકડ કરીને તેમની પૂછપરછ કરવામાં આવી છે.
આમની પોલીસે કરી ધરપકડ
ધરપકડ કરાયેલા લોકો પર હત્યા અને પ્રિવેન્શન ઓફ એટ્રોસિટી અગેન્સ્ટ શિડ્યુલ કાસ્ટ અને શિડ્યુલ ટ્રાઈબ એક્ટ હેઠળ ગુનો નોંધવામાં આવ્યો છે. પોલીસે હુમલો કરનારા સંજય પટેલ સહિત તેના ભાઈ જીજ્ઞેશ, ચિંતન પટેલ, ધવલ પટેલ, રુત્વિજ પટેલ, વિકી પટેલ, રિપેન પટેલ અને દિપેન પટેલની ધરપકડ કરી છે. અને તેમની પૂછપરછ કરવામાં આવી રહી છે.
પોલીસ પાસે કરી ન્યાયની માંગ
ગાંધીનગર જિલ્લામાં મુછોને તાવ દેવાની ઘટનામાં દલિત યુવક પર થયેલા હુમલા જેવી આ ઘટના માનવામાં આવી રહી છે. જયેશના મૃત્યુની ઘટના વાયુવેગે ફેલાતા દલિત સમાજના લોકોનું મોટું ટોળું ભાદરણ પોલીસ સ્ટેશન પાસે એકઠું થઈ ગયું હતું અને ન્યાયની માંગ કરી હતી.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.