અ'વાદઃ ન્યુ યર ઉજવણીમાં દારુ પીધા પછી કેબ કરી તો ઘરના બદલે સીધા જેલમાં પહોંચશો

આશિષ ચૌહાણ, અમદાવાદઃ બીજા રાજ્યોની વાત કરીએ તો લોકોને દારુ પીધા બાદ ડ્રન્ક એન્ડ ડ્રાઈવથી બચવા માટે પોલીસ કેબ કરવાની સલાહ આપે છે. પરંતુ ડ્રાય સ્ટેટ ગુજરાતમાં ન્યુ યર ઈવની ઉજવણીમાં દારુ પીધા બાદ કેબ કરવી એટલે સામે ચાલીને પોલીસ સ્ટેશન જવા બરાબર થશે. કેમ કે, શહેરમાં લગભગ તમામ કેબ ડ્રાઈવર્સને પોલીસે કડક સૂચના આપી રાખી છે કે જો તેમની કેબમાં કોઈ વ્યક્તિ પીધા પછી બેસે તો તેમણે પોલીસને આ અંગે જાણ કરવી.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:ઉચ્ચ સૂત્રોએ જણાવ્યું કે, ‘શહેરના પોલીસ ઉચ્ચ અધિકારીઓએ મોટાભાગની કેબ એગ્રિગેટર સેવા આપતી કંપનીના અધિકારીઓ સાથે બેઠક કરી છે અને સૂચના આપી છે કે જો દારુ પીધાલો અથવા જેની પાસે દારુ હોય તેવા વ્યક્તિ જો તેમના વાહનમાં બેસે તો તાત્કાલીક પોલીસને જાણ કરવી.’પોલીસ દ્વારા આ પગલા ન્યુયર ઈવ દરમિયાન દારુ પીવાના વધી જતા ગુનાને રોકવા માટે લેવામાં આવ્યા છે. પોલીસે આ સાથે કેબ ડ્રાઈવર્સને કડક સૂચના પણ આપી છે કે પોલીસ ચેકિંગમાં તેમના વાહનમાં આવા કોઈ વ્યક્તિ મળી ગયા અને તેમણે પહેલાથી પોલીસને જાણ નહીં કરી હોય તો તેમની વિરુદ્ધ આકરા પગલા લેવામાં આવશે.આ અંગે એક ઉચ્ચ પોલીસ અધિકારીએ જણાવ્યું કે, ‘તાજેતરમાં જ અમે કાયદો વ્યવસ્થાની જાળવણી માટે તમામ કેબ ઓપરેટર્સ સાથે બેઠક કરી હતી. જેમાં શહેરમાં ટ્રાફિક જામની સ્થિતિથી લઈને દારુના દુષણને ડામવા માટેના સૂચનોનું આદાન પ્રદાન કરવામાં આવ્યું હતું. ‘ તેમણે વધુમાં કહ્યું કે, ‘જો ડ્રાઈવરને જાણ થાય કે પેસેન્જરે દારુ પીધો છે કે પછી તેની પાસે દારુ છે. તો તેણે પોતાનું લોકેશન પોલીસ સાથે શેર કરવું પડશે. જેના આધારે પોલીસ તેને ટ્રેક કરી લેશે.’સાબરમતી વિસ્તારમાં રહેતા અને શહેરમાં કેબ ચલાવતા એક વ્યક્તિએ કહ્યું કે, ‘સ્થાનિક પોલીસ દ્વારા મને કહેવામાં આવ્યું છે કે જો મારી કેબમાં કોઈ પેસેન્જરે દારુ પીધો હોય કે પછી દારુ લઈને બેસે તો મારે પોલીસને જાણ કરવી. સામાન્ય રીતે આ પહેલા પણ અમે આવી ગેરકાયદે પ્રવૃત્તિઓ અંગે પોલીસને જાણ કરતા જ આવ્યા છીએ.’Video: ન્યુ યર ઉજવણીની પૂર્વ સંધ્યાએ ગૂગલે બનાવ્યું આવું અદભૂત ડૂડલ