અમદાવાદ: ફ્રેન્ચ કિસ કરવામાં કાપી પત્નીની જીભ, આખી જિંદગી બોલી નહીં શકે પત્ની

અમદાવાદ: જુહાપુરામાં ત્રણ દિવસ પહેલા પતિ દ્વારા પત્નીની જીભ કાપી નાખવાની ઘટનામાં હવે એક નવો વળાંક આવ્યો છે. ડૉક્ટરોનું કહેવું છે કે, જીભના ટિશ્યૂ મરી ગયા હોવાના કારણે હવે તેને ફરી જોડી શકાશે નહીં. જીભ ફરી જોડી ન શકવાના કારણે મહિલા આજીવન બોલી ન શકે તેવી સ્થિતિ સર્જાઈ છે. બીજી તરફ, આવું નીચ કૃત્ય કરનારા પતિની વેજલપુર પોલીસે ધરપકડ કરી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો સમગ્ર ઘટનાની વિગત એવી છે કે, જુહાપુરાના મોમીન પાર્કમાં આવેલા મહેરાજ ફ્લેટમાં રહેતા ઐયુબ મન્સુરીએ બુધવારે રાત્રે પોતાની પત્ની તસ્લીમને ફ્રેંચ કિસ કરવા માટે ડિમાન્ડ કરી હતી. આ દરમિયાન તેણે ટંગ ટુ ટંગ કિસ કરવા તસ્લીમને પોતાની જીભ બહાર કાઢવા જણાવ્યું હતું. પતિ પર વિશ્વાસ મૂકી તસ્લીમે તેના કહેવા અનુસાર કર્યું હતું, આ દરિયાન ઐયુબે પોતાની પાસે રહેલા ચાકૂથી તસ્લીમની જીભ કાપી નાખી હતી, અને ઘર બંધ કરીને ફરાર થઈ ગયો હતો. લોહીલુહાણ હાલતમાં તસ્લીમે પોતાની બહેનને વિડીયો કોલ કરીને આ અંગે જણાવ્યું હતું, કારણકે તે બોલી શકે તેવી સ્થિતિમાં નહોતી. આખરે તસ્લીમના સાવકા દીકરાએ દરવાજો ખોલીને પોતાની માતાને એસવીપી હોસ્પિટલમાં પહોંચાડી હતી. તસ્લીમની જીભનો 40-50 ટકા જેટલો ભાગ કપાઈ ચૂક્યો છે. ડોક્ટરોનું માનીએ તો, કપાયેલી જીભના ટિશ્યૂ ડેડ થઈ ગયા હોવાથી હવે તેને ફરી જોડી શકાય તેમ નથી. ડૉક્ટરોએ તસ્લીમની જીભમાંથી લોહી આવતું બંધ થાય તે માટે સર્જરી કરી હતી. પતિના હુમલામાં જીભ ગુમાવનારી મહિલા હવે આજીવન બોલી ન શકે તેવી સ્થિતિ સર્જાઈ છે.