અમદાવાદઃ મહિલા ઘરની બહાર નીકળે કે પીછો કરતો, વાહનનું હોર્ન વગાડી ઈશારા કરતો

અમદાવાદ: શહેરમાં છેડતી અને દુષ્કર્મના અનેક બનાવો સામે આવી રહ્યા છે. સ્ત્રી સુરક્ષાની વાતો વચ્ચે કેટલાક નરાધમો હજુ પણ સુધારવાનું નામ નથી લઈ રહ્યા. ત્યારે અમદાવાદ શેહરમાં વધુ એક છેડતીનો બનાવ વેજલપુર વિસ્તારમાં પોલીસ ચોપડે નોંધાયો છે. કચરો ફેંકવા માટે આવેલી મહિલાની બે લોકોએ છેડતી કરી હતી અને આ મામલે સમજાવવા જતા મહિલાના પતિ સાથે મારપીટ પણ કરી હતી જેની વેજલપુર પોલીસ સ્ટેશનમાં ફરિયાદ નોંધાઈ છે.
ગૂઢવિદ્યા શીખી રુપિયાના વરસાદની લાલચે અમદાવાદના યુવકે 94 લાખ રુપિયા ગુમાવ્યા
પોલીસ એફઆરઆઈ મુજબ શહેરના ફતેવાડી વિસ્તારમાં રહેતી 24 વર્ષની પરિણીત મહિલા તેના પતિ અને દોઢ વર્ષની દીકરી સાથે રહે છે. આ જ વિસ્તારમાં રહેતા અશરફ શફીમોહમદ શેખે છેડતી કરી હતી. મહિલાની ફરિયાદ મુજબ ગઇકાલે બપોરના દોઢેક વાગ્યાની આસપાસ તે અને તેના પતિ ઘરે હતા. આ દરમિયાન કચરા માટેની ગાડી આવી અને મહિલા કચરો ફેંકવા માટે બહાર આવી હતી. ત્યારે અશરફ શેખ અને તેનો મિત્ર એક્ટિવા પર આવી ને મહિલાના ઘર નજીક એક્ટિવા પાર્ક કરીને બેસી ગયા. એટલું જ નહિ અશરફે તેના મિત્રને કહ્યું હતું કે, જો આ કેવી લાગે છે. તેમ કહીને હોર્ન મારી ઈશારા કર્યા હતા. જેથી મહિલા તેના ઘરમાં જતી રહી હતી.
'મારા સાસુ માટે બોયફ્રેન્ડ જોઈએ છે જે 2 દિવસ સાથે રહે તેને 72 હજાર રુપિયા મળશે'
આ બાબતની જાણ તેના પતિને કરી હતી કે આ અશરફ શેક છેલ્લા એક મહિનાથી હું જ્યારે પણ ઘરની બહાર નીકળું મારો પીછો કરે છે અને સતત એક્ટિવાના હોર્ન મારે છે. જેથી મહિલાનો પતિ આ બાબતે અશરફને સમજાવવા માટે પોતાની પત્ની સાથે ઘરની બહાર ઉભેલા રોમિયો પાસે ગયો હતો. જોકે જ્યારે મહિલાના પતિએ અશરફને સવાલ કર્યોકે કેમ મારી પત્નીનો પીછો કરે છે અને છેડતી કરે છે હવે પછી આવું ન કરવા માટે જણાવ્યું ત્યારે તેઓએ મહિલના પતિને ગડદાપાટુનો માર માર્યો હતો અને બિભત્સ ગાળો બોલી હતી. તેમજ જાનથી મારી નાખવાની ધમકી આપી હતી. જોકે, આસપાસમાં લોકો એકઠા થઈ જતા આ બંને મિત્રો જાનથી મારી નાખવાની ધમકી આપીને ફરાર થઈ ગયા હતા.
16 વર્ષની સાળીએ બહેનનો સંસાર તોડી કહ્યું 'પહલે જીજાજી થે અબ વો મેરે પતિ હૈ'
મહિલાએ પોલીસને જણાવ્યું કે અશરફ છેલ્લા એક મહિનાથી પોતે જ્યારે પણ તેના ઘરની બહાર નીકળે ત્યારે એક્ટિવા લઈને પીછો કરતો અને હોર્ન મારતો હતો. હાલ માં પોલીસ એ સમગ્ર મામલે ફરિયાદ દાખલ કરીને વધુ કાર્યવાહી હાથ ધરી છે.