અમદાવાદ: દીકરીએ બીજી જ્ઞાતિના યુવક સાથે લગ્ન કર્યા, પિતાએ જમાઈને જાહેરમાં માર્યો

અમદાવાદ: શુક્રવારે નહેરુનગર વિસ્તારમાં 28 વર્ષીય યુવકે પોતાના સસરા વિરુદ્ધ હુમલાની ફરિયાદ નોંધાવી છે. કથિત રીતે યુવકના સસરાએ ખાનપુરમાં તેના પર હુમલો કર્યો હતો અને પોતાની દીકરીને સાથે લઈ ગયા હતા. યુવક અને તેની પત્ની પોતાના આંતરજ્ઞાતિય લગ્ન રજિસ્ટર કરાવે તે પહેલા જ આ ઘટના બની હતી. LED લાઈટ વેચતા સુરેશ ઠાકોરે શાહપુર પોલીસ સ્ટેશનમાં ફરિયાદ નોંધાવી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોસુરેશ ઠાકોરે FIRમાં જણાવ્યું, તેની પત્ની મેઘા પટેલના બોપલ નિવાસી પિતા વિનોદ પટેલે આઠ શખ્સો સાથે મળીને ખાનપુરમાં તેના પર હુમલો કર્યો હતો. સુરેશ અને મેઘા તેમના લગ્ન રજિસ્ટર કરાવવા માટે વકીલને મળવા જતા હતા ત્યારે હુમલો થયો હતો. ફરિયાદ પ્રમાણે, વિનોદ અને બાકીના શખ્સોએ કપલ સાથે મારામારી તેમજ ગાળાગાળી કરી હતી. બાદમાં મેઘાને કારમાં ધક્કો મારીને બેસાડીને ત્યાંથી જતા રહ્યા હતા. હુમલાખોરોમાંથી એક શખ્સે સુરેશને ધમકાવતા કહ્યું હતું કે, મેઘાને હંમેશા માટે ભૂલી જજે.શાહપુર પોલીસ સ્ટેશનના ઈન્સ્પેક્ટર આર. કે. અમીને કહ્યું, IPCની કલમ 323 (ઓચિંતો હુમલો), 294 (b) (અપશબ્દો કહેવા), 506 (2) (ગુનાહિત ધાકધમકી) અને 114 (ગુનાને ઉત્તેજન આપવું) હેઠળ ફરિયાદ દાખલ કરવામાં આવી છે. જ્યારે ઈન્સ્પેક્ટર અમીનને પૂછવામાં આવ્યું કે, વિનોદ પટેલની સામે અપહરણનો ગુનો કેમ નથી નોંધાયો ત્યારે તેમણે કહ્યું, સુરેશ અને મેઘાએ હજુ લગ્ન કર્યા નથી એટલે વિનોદ પટેલ હજુ પણ તેના લીગલ ગાર્ડિયન છે.તો બીજી તરફ સુરેશે કહ્યું, બુધવારે તેણે અને મેઘાએ લગ્ન કરી લીધા હતા અને તેઓ લગ્ન રજિસ્ટર કરાવવા જતા હતા. સુરેશે વ્યથા ઠાલવતાં કહ્યું કે, જ્યારે વિનોદ પટેલ અને તેના સાથીદારો અમારી સાથે મારપીટ કરતાં હતા ત્યારે કોઈ મદદ કરવા આગળ આવ્યું નહોતું. સુરેશે ટાઈમ્સ ઓફ ઈન્ડિયાને જણાવ્યું, “મને ડર છે કે, મેઘાના માતા-પિતા તેને અસહ્ય ત્રાસ આપશે. એવામાં તે કોઈ ખોટું પગલું ભરશે તેવો ભય છે. તેના જીવને જોખમ છે.” સુરેશે કહ્યું કે, તે અને મેઘા છેલ્લા બે વર્ષથી રિલેશનશીપમાં છે. જો કે, સુરેશ બીજી જ્ઞાતિનો હોવાથી મેઘાના માતા-પિતાને આ સંબંધ મંજૂર નહોતો.અકસ્માતમાં ઘાયલ થયેલી મહિલાને હોસ્પિટલ પહોંચાડવામાં ગોવાના મુખ્યમંત્રીએ કરી મદદ