અ'વાદઃ મહિલા પર નજર બગાડતા યુવકને ઢોરમાર મારતા મોત, ત્રણ શખ્સો સામે ફરિયાદ

I am Gujarat

ત્રણ શખ્સોએ યુવકને માર્યો ઢોરમાર

પ્રતિકાત્મક તસવીર અમદાવાદઃ 32 વર્ષીય કૃણાલ મિસ્ત્રી નામના યુવકને ત્રણ શખ્સોએ લાકડીના ફટકા મારતાં તેનું મોત નીપજ્યું છે. મૃતકના પાડોશમાં રહેતા કૃષ્ણકાંત બેરવા, રોહિત બેરવા અને મદનલાલ બેરવાએ તેને ઢોર માર્યો હતો. ત્રણેય શખ્સોએ કૃષ્ણકાંતની પત્ની અને ભત્રીજી પર ખરાબ નજર રાખતો હોવાનો આરોપ મુકી માર માર્યો હતો. હાલ આ ત્રણેય શખ્સો સામે સાબરમતી પોલીસ સ્ટેશનમાં ફરિયાદ નોંધાઈ છે. અમારા ન્યૂઝ Whatsapp પર મેળવવા અહીં ક્લિક કરો

પિતાએ નોંધાવી ફરિયાદ

કૃણાલના પિતા દિલિપ મિસ્ત્રીએ નોંધાવેલી ફરિયાદ પ્રમાણે તેમના પાડોશમાં રહેતા એક વ્યક્તિએ તેમને જણાવ્યું હતું કે કૃણાલે પોતાને ઘરમાં બંધ કરી દીધો હતો અને ત્યારબાદ તે બહાર આવ્યો નહોતો. જ્યારે તેઓ ઘરે પહોંચ્યા ત્યારે ઘરનો દરવાજો અંદરથી બંધ હતો.

લોહીથી લથપથ હાલતમાં મળ્યો યુવક

પ્રતિકાત્મક તસવીર પોલીસ અધિકારીએ જણાવ્યા પ્રમાણે, ‘કૃણાલે ઘરનો દરવાજો ન ખોલતા તેઓ દરવાજો તોડીને અંદર ઘુસ્યા હતા જ્યાં તેમણે કૃણાલને લોહીથી લથપથ હાલતમાં જોયો હતો. પાડોશીઓએ કૃણાલના પિતાને જણાવ્યું કે ત્રણ શખ્સોએ તેને લાકડીના ફટકા માર્યા હતા જે બાદ કૃણાલે બચાવ માટે પોતાને ઘરમાં બંધ કરી દીધો હતો’.