છેડતીના કારણે ચપ્પલ વડે માર માર્યો હતો, ઉશ્કેરાયેલા આરોપીએ મહિલાને પતાવી દીધી

મહોબાઃ ઉત્તર પ્રદેશના મહોબા જિલ્લામાં એક મહિલાની તેના ઘરમાં ઘુસીને તિક્ષ્ણ હથિયાર વડે હત્યા કરવામાં આવી હતી. આ ઘટનાથી વિસ્તારમાં સનસનાટી મચી ગઈ છે. પોલીસે ગુનો નોંધી આરોપીની શોધખોળ શરૂ કરી છે. ઘણા સમય પહેલા મૃતકે આરોપીને પોલીસ સ્ટેશનમાં ચપ્પલ વડે માર માર્યો હતો, જેના કારણે તેણે બદલાની આગમાં આ ઘટનાને અંજામ આપ્યો હતો.

અપમાનનો બદલો લેવા હત્યા કર્યાનું ખૂલ્યું
મહોબા જિલ્લાના શ્રીનગર પોલીસ સ્ટેશન વિસ્તારના અટારમાફ ગામની રહેવાસી રાજાબાઈ (50)ના પતિ હરિલાલનું થોડા વર્ષો પહેલા અવસાન થયું હતું. આ મહિલા તેના બે પુત્રો અરવિંદ અને સોનુ સાથે ઘરમાં રહતી હતી. તાજેતરમાં બંને પુત્રો વાડીએ ગયા હતા, ત્યારે રાત્રે ઘરમાં રાજાબાઈની કુહાડી વડે હત્યા કરવામાં આવી હતી.

ઉચ્ચ અધિકારીઓ ઘટનાસ્થળે પહોંચ્યા
બનાવની જાણ થતા બંને પુત્રો ઘટનાસ્થળે આવી પહોંચ્યા હતા અને પોલીસને ઘટનાની જાણ કરી હતી. હત્યાના સમાચાર મળતા જ એસએચઓ, સીઓ અને એસપી ઘટનાસ્થળે પહોંચી ગયા હતા. બનાવ અંગે તપાસ કરતાં પરિવારજનોની પૂછપરછ કરવામાં આવી હતી. પોલીસે મૃતદેહનો કબજો મેળવીને પોસ્ટમોર્ટમ માટે મોકલી આપ્યો હતો.

છેડતી કરવા બદલ મહિલાએ આરોપીને ચપ્પલ વડે માર્યો હતો
મૃતકના પુત્રોએ પોલીસને જણાવ્યું કે ઘણા સમય પહેલા પાડોશી નીરજ કુશવાહાએ માતાની છેડતી કરી હતી. જે અંગે પોલીસ સ્ટેશનમાં ફરિયાદ કરવામાં આવી હતી. તેણે જણાવ્યું કે નીરજને પોલીસ સ્ટેશનની અંદર જોઈને માતાએ તેને ચપ્પલ વડે માર માર્યો હતો. ત્યારે તેણે જોઈ લેવાની ધમકી આપી. પરિજનોએ જણાવ્યું કે ચપ્પલ વડે માર મારવાનો બદલો લેવા આરોપીઓએ માતાની હત્યા કરી.

પોલીસે આગળની તપાસ હાથ ધરીએસપી સુધા સિંહે મીડિયાને જણાવ્યું કે હત્યાની ઘટનાનો પર્દાફાશ કરવા માટે પોલીસ ટીમો તૈનાત કરવામાં આવી છે. સમગ્ર મામલાની તપાસ કરવામાં આવી રહી છે. તેમણે કહ્યું કે ટૂંક સમયમાં ઘટનાનો ખુલાસો થશે.