પિયર ગયેલી પત્નીને પાછી બોલવવા પતિએ ભત્રીજીનું મર્ડર કરી નાખ્યું!

હાથરસ : ઉત્તર પ્રદેશના હાથરસમાં દરિયાપુરમાં સાત વર્ષની બાળકની કરપીણ હત્યાનો પોલીસે ખુલાસો કરી દીધો છે. માસૂમ બાળકીના સગા કાકાએ જ તેની હત્યા કરી હતી. આરોપી જ્ઞાન સિંહે પોતાની પત્નીને પિયરથી બોલાવવા માટે ભત્રીજીની હત્યા કરી દીધી હતી. હત્યારા જ્ઞાન સિંહની પત્ની તેનાથી નારાજ થઈને છેલ્લા ઘણા દિવસોથી પિયરમાં હતી.

પતિના વારંવાર બોલાવ્યા બાદ પણ પત્ની પરત સાસરિયે નહોતી આવી રહી. આના કારણે જ્ઞાન સિંહે પોતાની સાત વર્ષની ભત્રીજીને ખેતરમાં લઈ જઈને મોતને ઘાટ ઉતારી દીધી હતી. પોલીસે આરોપીને અરેસ્ટ કરી જેલ મોકલી દીધો છે. બીજી તરફ ખુલાસો કરનારી ટીમને અપર પોલીસ અધીક્ષકે ઈનામ આપવાની ઘોષણા કરી છે.

હાથરસ જંક્શન પોલીસ સ્ટેશન વિસ્તારના દરિયાપુર ગામમાં 24 જુલાઈની સાંજે સાત વર્ષની એક નિર્દોષ બાળકી બાજરીના ખેતરમાંથી મૃત હાલતમાં મળી આવી. આમાં પોલીસે પહેલા ગામના ચાર લોકોને જેલ મોકલી દીધા હતા. ત્યારબાદ અપર પોલીસ અધીક્ષક હાથરસ પ્રકાશ કુમારે SITની રચના કરી તેને તપાસ સોંપી હતી. SITએ સમગ્ર કેસની તપાસ કરી ઘટનાનો ખુલાસો કર્યો.

મૃતક બાળકીના કાક જ્ઞાન સિંહનો પોતાની પત્ની સાથે વિવાદ થઈ ગયો હતો. જેના કારણે તે પિયરતી પરત આવી રહી નહોતી. જ્ઞાન સિંહે વિચાર્યું કે, જો ઘરમાં કોઈ મોત થઈ જાય તો તેની પત્ની કદાચ પિયર પરત આવી જશે. ત્યારે જ જ્ઞાન સિંહ ખતરનાક ષડયંત્ર રચી પોતાની ભત્રીજીને બાજરીના ખેતરમાં લઈ જઈને હત્યા કરી દીધી અને બાદમાં હત્યાનો આરોપ પાડોશીઓ પર લગાવી તેમના વિરુદ્ધ રિપોર્ટ નોંધાવી દીધી. અપર પોલીસ અધીક્ષક આખી ઘટનાનો ખુલાસો કરતા જ્ઞાન સિંહને જેલ મોકલી દીધો છે.

હત્યાની ઘટનાનો ખુલાસો કરતા પ્રકાશ કુમારે જણાવ્યું કે, બાળકીના સગા કાકાએ જ તેની હત્યા કરી હતી. આરોપીની પત્નીની માનસિક સારવાર ચાલી રહી હોવાથી તે પોતાના પિયરમાં જ રહેતી હતી. પોતાની પત્નીને પિયરથી પરત બોલાવવા માટે જ્ઞાન સિંહે આવી કરતૂતને અંજામ આપ્યો.