શાકભાજી લેવા ગયેલી મહિલાનું મંગળસૂત્ર આંચકીને ભાગ્યા બદમાશ, ચપ્પલને કારણે ખૂલી પોલ

ઈન્દોરઃ હીરા નગર પોલીસ સ્ટેશન વિસ્તારમાં થોડા દિવસે પહેલા બનેલી લૂંટની ઘટનાના કેસમાં પોલીસે ખુલાસો કર્યો છે. પોલીસે બે આરોપીઓની ધરપકડ કરી છે. મહિલાનું મંગળસૂત્ર આંચકીને આરોપી ફરાર થઈ ગયા હતા. પોલીસે ચપ્પલના નિશાનથી બદમાશો સુધી પહોંચી ગઈ અને તેમની ધરપકડ કરીને હાલ તેમની સામે વિવિધ કલમો હેઠળ ગુનો દાખલ કરીને કાયદેસરની કાર્યવાહી હાથ ધરી હોવાનું જાણવા મળ્યું છે.

પોલીસે બંને આરોપીની ધરપકડ કરી મંગળસૂત્ર કબજે કર્યું
પ્રાપ્ત માહિતી અનુસાર હીરા નગર પોલીસ સ્ટેશન વિસ્તારના એમઆર 10 ખાતે ઘરેથી શાકભાજી લેવા જતી મહિલા દુર્ગા રઘુવંશીના ગળામાંથી મંગળસૂત્ર આંચકીને ફરાર થવાના કેસમાં પોલીસે બંને આરોપીઓની ધરપકડ કરી છે. ઘટના દરમિયાન બદમાશ તેના ચપ્પલ છોડીને ભાગી ગયો હતા. આ જ ચપ્પલના આધારે પોલીસે આરોપી હર્ષ બરૈયા અને અંકુશ પાલની ધરપકડ કરી લૂંટનું સોનાનું મંગળસૂત્ર કબજે કર્યું હતું.

નશો કરવા માટે બંને આરોપી આવા ગુનાને અંજામ આપતા હતાઆરોપીઓ નશો કરવા માટે લૂંટના ગુનાને અંજામ આપતા હતા. જ્યાં ઘટના સીસીટીવી ફૂટેજમાં કેદ થયા બાદ પોલીસે બાતમીદાર તંત્રને સક્રિય કરી આરોપીની ધરપકડ કરી હતી. સાથે જ અન્ય ઘટનાઓના સંદર્ભમાં પણ પૂછપરછ ચાલી રહી છે. ઉલ્લેખનીય છે કે, ચેઈન સ્નેચિંગની ઘટનામાં દાગીના લૂંટાવાની સાથે સાથે તે વ્યક્તિના જીવને પણ જોખમ હોય છે જેની સાથે આવી ઘટનાઓ બનતી હોય છે.