મુંબઈ: પોલીસની કામગીરીની મોટાભાગે ટીકા જ થતી હોય છે. પરંતુ પોલીસ સારું કામ કરે તો તેના વખાણ પણ કરવા રહ્યા. મુંબઈ પોલીસે ચોરીના એક કેસના મામલે પણ એવી કામગારી કરી છે કે તેના વખાણ કર્યા પડે. 11 મહિના જૂના ચોરીના કેસને ઉકેલવામાં મુંબઈ પોલીસે કરેલી મહેનત અને નોઈડા પોલીસે આપેલો સાથ રંગ લાવ્યો અને આરોપીઓને પકડવામાં સફળતા મળી. આ આરોપીઓ પકડવાનો ઘટનાક્રમ પણ કોઈ ફિલ્મી કહાની જેવો જ છે. મુંબઈ પોલીસ 11 મહિના જૂના ચોરીના કેસમાં આરોપી અલીબાબા અને તેના સાથીઓને પકડવામાં સફળતા મેળવી છે. આ મિશનમાં પોલીસને ક્યારેક પોસ્ટમેન તો ક્યારેક ફ્રૂટ વિક્રેતાનો વેશ ધારણ કરવો પડ્યો હતો. આરોપીનું અસલી નામ સલમાન જુલ્ફીકાર અંસારી છે, જેનું ટ્રુકોલર એપમાં નામ અલીબાબા લખેલું છે. પોલીસે સલમાન ઉપરાંત તેના સાથી હૈદર અલી સૈફી અને ચોરીના ઘરેણાં ખરીદનારા જ્વેલર ખુશાલની પણ ધરપકડ કરી છે. આ બધા ઉત્તર પ્રદેશના રહેવાસી છે.
સીનિયર પોલીસ અધિકારી સ્મિતા પાટિલે જણાવ્યું કે, 'તપાસ બાદ પણ જ્યારે શંકાસ્પદોની માહિતી ન મળી શકી તો, અમારી ટીમે ક્રાઈમ સીનની આસપાસના સિમ કાર્ડ ટ્રેક કર્યા અને સીસીટીવી ફૂટેજ તપાસ્યા. ઘટના સમયે આરોપીના સિમ કાર્ડના લોકેશનની તપાસ કરાઈ અને અમે તેમને નોઈડામાં ટ્રેક કર્યા.'
ત્યાંની પોલીસે આરોપીની ઓળખ કરવા માટે ફ્રૂટ સેલર અને પોસ્ટમેનનો વેશ ધારણ કર્યો. તે પછી આરોપીઓની ઓળખ થતા જ પોલીસે એક-એક કરીને ત્રણેને દબોચી લીધા. તે સાથે ચોરીના 18 લાખ 7 હજાર રૂપિયાના ઘરેણાં પણ જપ્ત કરી લેવાયા છે.
સીનિયર પોલીસ અધિકારી સ્મિતા પાટિલે જણાવ્યું કે, 'તપાસ બાદ પણ જ્યારે શંકાસ્પદોની માહિતી ન મળી શકી તો, અમારી ટીમે ક્રાઈમ સીનની આસપાસના સિમ કાર્ડ ટ્રેક કર્યા અને સીસીટીવી ફૂટેજ તપાસ્યા. ઘટના સમયે આરોપીના સિમ કાર્ડના લોકેશનની તપાસ કરાઈ અને અમે તેમને નોઈડામાં ટ્રેક કર્યા.'
ત્યાંની પોલીસે આરોપીની ઓળખ કરવા માટે ફ્રૂટ સેલર અને પોસ્ટમેનનો વેશ ધારણ કર્યો. તે પછી આરોપીઓની ઓળખ થતા જ પોલીસે એક-એક કરીને ત્રણેને દબોચી લીધા. તે સાથે ચોરીના 18 લાખ 7 હજાર રૂપિયાના ઘરેણાં પણ જપ્ત કરી લેવાયા છે.