નવલખી ગેંગરેપઃ બંને આરોપીઓનો અમદાવાદ સિવિલમાં કરાયો 'પુરુષત્વ' ટેસ્ટ

વડોદરાઃ નવલખી મેદાનમાં સગીરા સાથે દુષ્કર્મ આચરનારા ગેંગરેપના આરોપીઓને બુધવારે અમદાવાદ સિવિલ હોસ્પિટલમાં પુરુષત્વનો ટેસ્ટ કરવા માટે લવાયા હતા. ક્રાઈમ બ્રાન્ચના સૂત્રોએ જણાવ્યું હતું કે, બંને પરના આરોપોને સાબિત કરવા માટે આ ટેસ્ટ કરવો જરૂરી છે જેથી સાબિત થાય કે તેઓ શારીરિક સંબંધ બાંધવામાં સક્ષમ છે. પોલીસે જણાવ્યું કે, બંને આરોપીઓ તપાસમાં સહકાર આપી રહ્યા છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ક્રાઈમ બ્રાન્ચના ACP ડી.એસ ચૌહાણે કહ્યું, તેમના ‘પુરુષત્વ’ના ટેસ્ટ પોઝિટિવ આવ્યા છે, હવે કેસના અન્ય સંદર્ભમાં તેમની તપાસ કરાશે. પોલીસે જણાવ્યું કે, કિસન આઘાતમાં હોવાથી ટેસ્ટ આપવામાં તેને ખૂબ સમય લાગ્યો હતો. પોલીસ આ મામલે પણ તપાસ કરી રહી છે કે શું આરોપીઓ પહેલા પણ આ પ્રકારના કોઈ ગુનામાં સંડોવાયેલા હતા કે નહીં. તેમણે આ પહેલા કોઈ ગંભીર ગુનો કર્યા હોવાનો ઈનકાર કર્યો છે. પોલીસ અધિકારીએ જણાવ્યું, પરંતુ જેવી રીતે નવલખી મેદાનમાં તેઓ દુષ્કર્મ માટે ગયા, શક્ય છે કે પહેલા તેમણે આ પ્રકારનો કોઈ ગુનો કર્યો હોય. પોલીસે જણાવ્યું કે, એક આરોપી જશા સોલંકીને પોતાના ફોનમાં પોર્ન ફિલ્મો જોવાની આદત હતી. પોલીસે તેના ફોનને જપ્ત કરીને તપાસ માટે FSL પાસે મોકલી દીધો છે. જશો અને કિસનના સ્કેચ સોશિયલ મીડિયામાં ખાસ કરીને વોટ્સએપમાં વાઈરલ થયા હતા. ખાસ વાત એ છે કે જશાના ફોનમાં વોટ્સએપ હોવા છતાં તેના સ્કેચ અને પોતાના અને કિસન વિરુદ્ધ દુષ્કર્મની ફરિયાદ નોંધાઈ છે તે વાતથી અજાણ હતો.