ભરૂચ ડબલ મર્ડર કેસઃ આજે સ્પે. NIA કોર્ટમાં ચાર્જફ્રેમ થશે

નવગુજરાત સમય > અમદાવાદ

ભરૂચમાં 2 નવેમ્બરે ભાજપના અગ્રણી નેતા શીરીષ બંગાળી અને પ્રજ્ઞેશ મિસ્ત્રીની પોઇન્ટ બ્લેક રેન્જથી હત્યા પ્રકરણમાં ગુરુવારે સ્પે. એનઆઇએ કોર્ટમાં આરોપીઓ સામે ચાર્જફ્રેમ થશે. કોર્ટે આ કેસમાં ચાર્જશીટ થયેલા 10 આરોપીને હાજર રાખવા જેલતંત્રને આદેશ કર્યો હતો. જેથી ગુરુવારે તમામ સામે ચાર્જફ્રેમ થાય અને કેસ ચાલવા પર આવે તેવી શક્યતા છે.

ભરૂચ ડબલ મર્ડર કેસમાં પહેલાંથી દાઉદ ગેંગનો હાથ હોવાનો મુદ્દો બહાર આવ્યો હતો અને તેથી જ તપાસ NIA(નેશનલ ઇન્વેસ્ટિગેશન એજન્સી)ને સોંપાઈ હતી. ત્યારબાદ આ મામલે NIAએ કુલ 12 આરોપીની ધરપકડ કરી હતી. જો કે, બે આરોપીઓ સામે NIAએ ચાર્જશીટ રજૂ ન કરતા તેઓ ડિફોલ્ટ જામીન પર છૂટી ગયા હતા. જ્યારે 10 આરોપીઓ સામે સમયસર ચાર્જશીટ કરતા તેઓ જેલમાં છે. ત્યારે ચાર્જશીટ બાદ સ્પે. કોર્ટે તમામ આરોપીઓને ચાર્જશીટની કોપી આપી હતી અને પછી આ કેસ ચાર્જફ્રેમ માટે રાખવામાં આવ્યો છે.

કોની કોની સામે ચાર્જફ્રેમ થશે સૈયદ ઇમરાન ઉર્ફે ઇમરાનબાપુ સૈયદ મહોમદ કાદરી ઝુહેબ ઉર્ફે ઝોહેબ જીયાઉદ્દીન અંસારી ઇનાયત ઉર્ફે બાલા હાજીઐયુબ પટેલ મહોંમદ યુનુસ ઉર્ફે માંજરો મોહંમદ યુસુફ શેખ હૈદરઅલી ઉર્ફે હૈદર ઉર્ફે તલ્લી મહોંમદ હનીફ ગુલામ હુસેન શેખ નિસારભાઇ ઉર્ફે બાબા મક્સુભાઇ શેખ મોહશીનખાન સફિરખાન પઠાણ મહોંમદ અલતાફ મહોંમદ હુસેન શેખ આબીદ દાઉદ પટેલ અબ્દુલ સલીમ સલીમઘાંચી સરવૈયા