Pocso: પીડિતા આરોપી સાથે લગ્ન માટે તૈયાર, કોર્ટે જામીન કર્યા મંજૂર

અમદાવાદઃ મિરઝાપુર ગ્રામ્ય કોર્ટના પટાંગણમાં આવેલી સેશન્સ કોર્ટે 26 વર્ષના પોક્સોના (Children From Sexual Offences- Pocso) આરોપીના જામીન મંજૂર કરવામાં આવ્યા છે, આરોપીએ પીડિતા સાથે લગ્ન કરવાની તૈયારી બતાવી છે, જે બાદ આ નિર્ણય લેવામાં આવ્યો છે. આ અરજ માત્ર આરોપી તરફથી જ નહીં પણ પીડિતા અને તેના પરિવાર તરફથી પણ કરવામાં આવી છે.

આરોપી અને છોકરી બન્ને અમદાવાદના છેવાડે આવેલા શાંતિપુરા ગામના રહેવાસી છે, તે બન્ને જણા વર્ષ 2017માં ભાગી ગયા હતા. આ દરમિયાન છોકરી ટિનએજ હતી. જે બાદ પીડિતાના પિતાએ ફરિયાદ નોંધાવી હતી. યુવક સામે પીડિતાની ઉંમર ઓછી હોવાના કારણે તેની સામે પોસ્કો સહિત અપહરણ, છેડતી અને બળાત્કારની ફરિયાદ નોંધાઈ હતી.

ભાગી ગયા બાદ છોકરો અને છોકરી કેટલાક મહિનાઓ બાદ લોકડાઉન દરમિયાન પરત આવ્યા છે, જેમાં છોકરીના પિતાએ નોંધાવેલી ફરિયાદના આધારે યુવકની ધરપકડ કરવામાં આવી હતી.


જોકે, ત્રણ વર્ષની અંદર સ્થિતિમાં ઘણો સુધારો આવ્યો. આરોપી અને પીડિત પરિવાર દ્વારા સારી રીતે સમાધાન લાવવા માટેના પ્રયાસ કરાયા, આ સાથે ભાગી ગયેલા યુવક અને પીડિતાના સામાજિક રીતે લગ્ન કરાવવાનું પણ નક્કી કરવામાં આવ્યું. આ સુલેહ બાદ યુવકે જામીન માટે અરજી કરી અને પીડિતના પરિવાર દ્વારા પણ આ અંગે કોર્ટમાં સોગંદનામું રજૂ કરવામાં આવ્યું.

કોર્ટ સમક્ષ આ મામલે રજૂઆત કરીને જણાવવામાં આવ્યું છે કે, આ બળાત્કાર અને અપહરણનો કેસ નહોતો, તેઓ પ્રેમમાં હતા અને બન્ને સાથે પતિ-પત્નીની જેમ રહેતા હતા. તેમણે હિન્દુ વિધિ-વિધાન સાથે એક બીજા સાથે જોડાયેલા હતા, જોકે, આ લોકડાઉનના કારણે સામાન્ય વિધિથી પૂર્ણ કરાયું હતું. પરંતુ હવે બન્ને પરિવારો વચ્ચે સહમતિ અને સમાધાન થયા પછી આરોપીને જામીન પર મૂક્ત કરવામાં આવ્યો છે, કારણ કે બન્ને પરિવારો સામાજિક રીતે છોકરા અને છોકરીના ફરી લગ્ન કરાવવા માગે છે.