‘સીઝ’ કરેલી કાર વેચી મારવાના કૌભાંડની FIR

નવગુજરાત સમય > અમદાવાદ

લોનની વસૂલાત ન થતાં સીઝ (જપ્ત) કરેલી કાર વેચી મારવાના કૌભાંડ અંગે નવરંગપુરા પોલીસમાં L&T ફાઇનાન્સ લિ.એ બે સિઝર કંપની સામે ફરિયાદ નોંધાવી છે.

L&T ફાઇનાન્સ લિ.ના એજન્સી મેનેજર શૈલેન્દ્રસિંહ વાઘેલાએ કંપની વતી લોન નહીં ભરવાથી કાર સીઝ કરવાનું કામ કરતાં ઓમ કોર્પોરેશનના રીટા અમરતપાલ ધાલીવાલ, અમરતપાલ ધાલીવાલ અને લખવીન્દર કોર્પોરેશનના સતપાલસીંગ ધાલીવાલ સામે વિશ્વાસઘાત અને છેતરપિંડીની ફરિયાદ નોંધાવી છે.

આ બે કંપનીઓએ ઓનલાઈન રિકવરીનું કામકાજ નિયમ મુજબ નહીં કરી ગ્રાહક પાસેથી કંપનીના નામથી ગાડીઓ સીઝ કરી કંપનીના નામની ખોટી સહીઓ કરી ટી.ટી.ઓ. ફોર્મ ઉપર ગાડીના માલિકની ખોટી સહીઓ કરી RTOમાં કંપનીની HPA કેન્સલ કરાવી અન્યના નામે ટ્રાન્સફર કરાવી હોવાની ફરિયાદ થઈ છે.

કંપની તરફથી લોન રિકવરી અર્થે આપેલી પહોંચો પૈકી 16 પહોંચો ગ્રાહકોને આપી તેઓ પાસેથી કુલ ~ 19.05 લાખ મેળવી લઈ તેમજ લખવિંદર કોર્પોરેશને ગ્રાહકો પાસેથી ~ 2.94 લાખ પોતાના બેન્ક એકાઉન્ટ જમા કરાવી ~ 47000 કંપનીમાં જમા કરાવી બાકીના પૈસા જમા નહીં કરાવી છેતરપિંડી કરી છે.