કોંગ્રેસ નેતા શક્તિસિંહના ડ્રાઈવરને પેટ્રોલ પંપ પર અન્ય કાર ચાલકે માર માર્યો

અમદાવાદઃ કોંગ્રેસ નેતા અને હાલ AICC બિહારના ઈન્ચાર્જ શક્તિસિંહ ગોહિલના ડ્રાઈવર ભરત દેસાઈને બોડકદેવ સ્થિત પેટ્રોલ પંપ પર અન્ય કાર ચાલકે લાકડી વડે માર માર્યો. આ બાબતે વસ્ત્રાપુર પોલીસ સ્ટેશનમાં કાર ચાલક સામે ફરિયાદ નોંધવામાં આવી છે. પોલીસે કાર ચાલકની શોધખોળ હાથ ધરી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો પોલીસ ફરિયાદ મુજબ ગત રવિવારે ડ્રાઈવર ભરત દેસાઈ શક્તિસિંહની SUV કાર લઈને NFD સર્કલ, બોડકદેવ પાસે આવેલા પેટ્રોલ પંપ પર ડીઝલ પૂરાવવા માટે પહોંચ્યો હતો. ડીઝલ પૂરાવ્યા બાદ કારના ટાયરનામાં હવા ચેક કરવા માટે તેઓ લાઈનમાં ઊભા હતા. આ સમયે પાછળથી અન્ય એક કાર પૂરઝડપે આવી અને શક્તિસિંહની ગાડીને ટક્કર મારી. માથાકૂટ થયા બાદ કાર ચાલકે પોતાની કારમાંથી લાકડાનો દંડો કાઢ્યો અને ભરત દેસાઈને માર્યો. આ દરમિયાન તેમને લાફો પણ માર્યો હતો. માથાકૂટ થતા આજુબાજુના લોકો તુરંત દોડી આવ્યા અને તેમને અલગ કર્યા. થોડા સમય બાદ કાર ચાલકે ધમકી આપતા કહ્યું કે અહીં જ ઊભો રહે હમણા હું આવું છું તેમ કહીને તે પેટ્રોલ પંપ પરથી ફરાર થઈ ગયો હતો. બીજી તરફ પોલીસ ફરિયાદ બાદ પોલીસ અધિકારીનું કહેવું છે કે અમે પેટ્રોલપંપ પર લાગેલી સીસીટીવીની તપાસ કરી છે. જેના આધારે કાર માલિકનું નામ અને કાર નંબરની માહિતી અમારી પાસે આવી ગઈ છે અને તે જલદી પોલીસ પકડમાં હશે.