અમદાવાદઃ ગાંધીનગરના કલોલ તાલુકામાં આવેલા મોટી ભોયણ ગામની એક 40 વર્ષની મહિલાનું શનિવારે માર્ગ અકસ્માતમાં મૃત્યુ થઈ ગયું. મહિલા પોતાના પતિ સાથે બાઈક પર જઈ રહી હતી આ દરમિયાન એક કૂતરું રસ્તામાં આડું ઉતર્યું અને બાઈક સ્લીપ થઈ જતા બંને ઈજાગ્રસ્ત થયા હતા. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ગાંધીનગર પોલીસે આ મામલે મહિલાના પતિ બાબુજી ઠાકોર વિરુદ્ધ બેદરકારી પણે વાહન ચલાવવાથી પત્નીના મોતનો ગુનો નોંધ્યો છે. રસ્તા પર અચાનક કૂતરું આવી જતા સર્જાયેલા અકસ્માતમાં પોલીસે સિવિક બોડી કે અન્ય કોઈ વ્યક્તિની જવાબદારી નક્કી કરી નથી. રવિવારે સાંતેજ પોલીસે નોંધેલી ફરિયાદ મુજબ બાબુજી અને તેની પત્ની બંને ખેતમજૂરી કરતા હતા. તે ખેતરમાંથી બાઈક પર પોતાની પત્ની સાથે ઘરે જઈ રહ્યો હતો. આ દરમિયાન રસ્તામાં અચાનક કૂતરું આવી ગયું. બાબુજીએ બાઈક પરથી કંટ્રોલ ગુમાવી દીધો અને તે અને તેની પત્ની બંને નીચે પડી ગયા. આ અકસ્માતમાં બાબુજીને સામાન્ય ઈજાઓ પહોંચી જ્યારે તેમની પત્ની ગંભીર રીતે ઈજાગ્રસ્ત થઈ ગઈ. આથી તેને સાંતેજમાં નિકટની હોસ્પિટમાં લઈ જવાઈ, અહીં તેની સ્થિતિ વધુ ખરાબ થતા તેને અસારવાની સિવિલ હોસ્પિટલ લઈ જવાઈ હતી. જોકે રવિવારે તેનું હોસ્પિટલમાં મોત થઈ ગયું. આ બાદ સાંતેજ પોલીસે બાબુજીનું સ્ટેટમેન્ટ લીધું અને તેની વિરુદ્ધ ગુનો નોંધ્યો.