અમદાવાદ મિરર: શિક્ષણ વિભાગમાં ફરજ બજાવતી અમદાવાદની 28 વર્ષીય યુવતી ત્યારે ચોંકી ગઈ કે જ્યારે તેને એવું જાણવા મળ્યું કે કોઈને તેનો ફોટોગ્રાફ અને મોબાઈલ નંબર ડેટિંગ વેબસાઈટ પર અપલોડ કર્યો છે. આ વિશેની ફરિયાદ ઈસનપુર પોલીસ સ્ટેશનમાં નોંધાઈ છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
અનિલા (નામ બદલ્યું છે) અમદાવાદની ગુજરાત યુનિવર્સિટી નજીક ઓફિસમાં કામ કરે છે. બુધવારે આ યુવતીના ફોન પર એક અજાણ્યા યુવકનો ફોન આવ્યો અને કહ્યું કે ડેટિંગ વેબસાઈટ ટિન્ડર પરથી તમારો નંબર મળ્યો છે. ત્યારે અનિલાએ કહ્યું કે મેં ક્યારેય આ ડેટિંગ વેબસાઈટ પર મારી પ્રોફાઈલ બનાવી નથી.
પછી આ યુવતીના વોટ્સએપ પર કોઈ અજાણ્યા યુવકનો મેસેજ આવ્યો અને તેણે પણ આ વાત જણાવી. ત્યારે આ યુવતીને એ વાતની જાણ થઈ કે કોઈએ આ ડેટિંગ એપ્લિકેશન પર તેના નામની પ્રોફાઈલ બનાવીને તેનો ફોટોગ્રાફ અને મોબાઈલ નંબર અપલોડ કર્યા છે. આ યુવતીના મોબાઈલ પર સતત અજાણ્યા લોકોના ફોન અને મેસેજ આવવા લાગ્યા અને તેની સાથે દોસ્તી કરવાનું પૂછવા લાગ્યા. કેટલાંક મેસેજમાં આ યુવતી સાથે અઘટિત માગણી કરવામાં આવી. આ યુવતીનું માનભંગ ત્યારે થયું કે જ્યારે તેના નામે ડેટિંગ એપ્લિકેશન પર બનાવવામાં આવેલી પ્રોફાઈલમાં જણાવ્યું હતું કે તે ‘પ્રોસ્ટિટ્યુટ’ હતી.
આખરે કંટાળીને આ યુવતીએ ઈસનપુર પોલીસ સ્ટેશનમાં ફરિયાદ નોંધાવી છે. આ વિશે વાત કરતા પોલીસ અધિકારી જે એમ સોલંકીએ કહ્યું કે આઈટી એક્ટ હેઠળ કેસ દાખલ કરવામાં આવ્યો છે અને વધુ તપાસ ચાલુ છે.
બાળકો જલદી શીખે છે આ 5 ખરાબ આદતો