બીજા સપ્તાહે પણ '2.0'ની ધમાલી જારી, કરી લીધી આટલી કમાણી

I am Gujarat

રજની-અક્ષયે સલમાનને પછાડ્યો

રજનીકાંત સ્ટારર સાયન્સ ફિક્શન ફિલ્મ ‘2.0’ એ પોતાના બીજા વીકેન્ડ પર શાનદાર કમાણી યથાવત રાખી છે. ફિલ્મે બીજા વીકેન્ડ પર 26 કરોડની કમાણી કરી છે. ‘2.0’એ અત્યાર સુધી 11 દિવસોમાં 164 કરોડની કમાણી કરી લીધી છે. આ ફિલ્મ ‘સંજૂ’ અને ‘પદ્માવત’ બાદ વર્ષની સૌથી વધુ કમાણી કરનારી ફિલ્મ બની ગઈ છે. રવિવારે ‘2.0’ એ ‘બાગી 2’ અને ‘રેસ 3’ને પછાડી દીધી.

આવી રહી કમાણીની સફર

બૉક્સ ઑફિસ ઈન્ડિયા અનુસાર ફિલ્મે પ્રથમ દિવસે 20 કરોડ, બીજા દિવસે 18, ત્રીજા દિવસે 24 કરોડ, ચોથા દિવસે 33 કરોડ 25 લાખ, પાંચમા દિવસે 13 કરોડ 50 લાખ, છઠ્ઠા દિવસે 11 કરોડ 50 લાખ, સાતમા દિવસે 9 કરોડ 50 લાખ અને આઠમા દિવસે 7 કરોડ 75 લાખ રૂપિયાની કમાણી કરી હતી. આ હિસાબે ફિલ્મે એક સપ્તાહમાં આશરે 137 કરોડની કમાણી કરી.

હજુ પણ સ્પીડમાં દોડી રહી છે

બીજા સપ્તાહે ફિલ્મે 26 કરોડ 25 લાખ રૂપિયાની કમાણી કરી. આ રીતે ફિલ્મની કમાણી આશરે 164 કરોડ રૂપિયા થઈ ગઈ છે. આ ફિલ્મ તમિલ અને તેલુગુ ફોર્મેટમાં પણ સારું પ્રદર્શન કરી રહી છે. ફિલ્મમાં રજનીકાંત ઉપરાંત અક્ષય કુમાર પણ મુખ્ય ભૂમિકામાં છે.