31 જુલાઈથી હોસ્પિટલમાં એડમિટ હતા
નિશિકાંત કામતને 31 જુલાઈએ AIG હોસ્પિટલમાં એડમિટ કરાયા હતા. તે માત્ર 50 વર્ષના હતા. તેમની દેખરેખ માચે સીનિયર ડૉક્ટર્સની એક ટીમ બનાવવામાં આવી હતી. નિશિકાંત ન માત્ર એક સારા ડિરેક્ટર હતા પરંતુ એક સ્ટાઈલિશ એક્ટર પણ હતા. તેમણે જ્હોન અબ્રાહમની સાથે 'રૉકી હેન્ડસમ'માં કામ કર્યું હતું. આમાં તે વિલનના રોલમાં હતા. આ ઉપરાંત તેમણે 'ભાવેશ જોશી'માં પણ મહત્વની ભૂમિકા ભજવી હતી.
2004માં એક્ટર તરીકે કર્યું ડેબ્યૂ
2004માં 'હવા આને દે'થી નિશિકાંત કામતે એક્ટર તરીકે ડેબ્યૂ કર્યું હતું. ત્યારબાદ તેઓ ઘણી હિન્દી અને મરાઠી ફિલ્મોમાં એક્ટિંગ કરતા જોવા મળ્યા. 2008માં તેમણે ડિરેક્ટર તરીકે પોતાની પ્રથમ ફિલ્મ 'મુંબઈ મેરી જાન' બનાવી. પોતાના 16 વર્ષના કરિયરમાં કામતે 5 હિન્દી ફિલ્મોનું ડિરેક્શન કર્યું અને ખાસ વાત એ રહી કે, આ પાંચેય ફિલ્મોએ દર્શકોના દિલમાં ખાસ સ્થાન બનાવ્યું.
મુંબઈ મેરી જાન (2008)
આ નિશિકાંત કામતની ડિરેક્ટર તરીકે પ્રથમ ફિલ્મ હતી. ફિલ્મે બૉક્સ ઑફિસ પર ભલે કોઈ ખાસ કમાલ ન દેખાડી હોય પણ દર્શકોના દિલોમાં ખાસ સ્થાન બનાવ્યું. ફિલ્મમાં આર માધવન, સોહા અલી ખાન, ઈરફાન ખાન, પરેશ રાવલ અને કેકે મેનન લીડ રોલમાં છે. ફિલ્મની વાર્તા 11 જુલાઈ 2006ના રોજ મુંબઈમાં થયેલા ટ્રેન બ્લાસ્ટ પર છે. આ સ્ટોરી તે 209 લોકોની છે જેમણે તે બ્લાસ્ટમાં પોતાના જીવ ગુમાવ્યા અને તેમના પરિવારની. આ ફિલ્મને બેસ્ટ ક્રિટિક એવોર્ડ મૂવી, બેસ્ટ સ્ક્રીનપ્લે, બેસ્ટ એડિટિંગનો ફિલ્મફેર એવોર્ડ મળ્યો. ફિલ્મને બેસ્ટ સ્પેશિયલ ઈફેક્ટ્સનો નેશનલ એવોર્ડ પણ મળ્યો.
ફોર્સ (2011)
નિશિકાંતે 'મુંબઈ મેરી જાન' જેવી સત્યઘટના પર આધારિત ફિલ્મ બાદ એક્શન થ્રિલર 'ફોર્સ'નું ડિરેક્શન કર્યું. આ ફિલ્મમાં જૉન અબ્રાહમ અને જેનેલિયા ડિસૂઝા લીડ રોલમાં હતા. વિદ્યુત જામવાલે આમાં વિલનનો રોલ પ્લે કર્યો હતો. આ એક તમિલ ફિલ્મની રિમેક છે. ફિલ્મે બૉક્સ ઑફિસ પર શાનદાર બિઝનેસ કર્યો. ફિલ્મ પ્રામાણિક ACP યશવર્ધનની વાર્તા છે જેની પત્ની અને સાથીઓની હત્યા થઈ જાય છે.
દૃશ્યમ
2015માં નિશિકાંત કામત જ્યારે અજય દેવગણ, તબૂ, શ્રેયા શરણ અને ઈશિતા દત્ત સાથે 'દૃશ્યમ' લઈને આવ્યા ત્યારે બધાને દંગ કરી દીધા. આવું એટલા માટે આ ફિલ્મ પહેલા બે વાર સાઉથ ઈન્ડિયન સ્ક્રીન પર દેખાડવામાં આવી ચૂકી હતી. એક ખૂબ જ પૉપ્યુલર ફિલ્મની રીમેક બનાવવી ખૂબ મુશ્કેલ હોય છે પણ નિશિકાંત કામતે દેખાડી દીધું કે તે પોતાના ડિરેક્શનના દમ પર કહેલી વાતને ફરી વખત કહેવા અને દર્શકોને સીટ પર બાંધી રાખવા માટે મજબૂર કરી શકે છે.
રૉકી હેન્ડસમ (2016)
'દૃશ્યમ' જેવી સસ્પેન્સ થ્રિલર બાદ નિશિકાંત ફરી એકવાર એક્શન-થ્રિલર બનાવવામાં લાગી ગયા. જ્હૉન અબ્રાહમની સાથે તેમણે 'રૉકી હેન્ડસમ' બનાવી. આ ફિલ્મમાં તેમણે એક્ટિંગ પણ કરી અને એક સ્ટાઈલિશ વિલન તરીકે પડદા પર દેખાયા. આ એક કોરિયન ફિલ્મ 'ધ મેન ફ્રૉમ નોવેર'ની રીમેક છે. વાર્તા એક એવા વ્યક્તિની છે જે ડ્રગ માફિયા સાથે બદલાની આગમાં સળગી રહ્યો છે. ફિલ્મમાં આ કઠોર દિલ વ્યક્તિના એક નાનકડી છોકરી સાથેના ભાવનાત્મક જોડાણને પૂરી પ્રામાણિકતાથી દેખાડવામાં આવ્યું છે.
મદારી (2016)
વર્ષ 2016માં જ નિશિકાંત કામતની 'મદારી' પણ રિલીઝ થઈ હતી. આ એક સોશિયલ-થ્રિલર ફિલ્મ છે. આમાં ઈરફાન ખાનની સાથે જિમી શેરગિલ, વિશેષ બંસલ અને નિતેશ પાંડે જેવા એક્ટર્સ છે. ફિલ્મની વાર્તા એક મજબૂર સામાન્ય માણસની છે, જે પોતાની વાત રજૂ કરવા ખોટો રસ્તો અપનાવવા મજબૂર થઈ જાય છે. સરકારી તંત્રની વ્યવસ્થાથી કંટાળીને તે ગૃહમંત્રીના પુત્રનું અપહરણ કરી લે છે.