નાના પાટેકરના ટેલેન્ટની સામે સઘળું માફ છે: ડિમ્પલ કાપડિયા

I am Gujarat

નાના પાટેકર અંગે ડિમ્પલ કાપડિયાનો વીડિયો વાઈરલ

નાના પાટેકર અને તનુશ્રી દત્તા વચ્ચે જે વિવાદ આજકાલ ચાલી રહ્યો છે તે હવે ઘણો આગળ વધી ચૂક્યો છે. હવે આ મુદ્દે બોલિવૂડની પીઢ અભિનેત્રી ડિમ્પલ કાપડિયાનો એક જૂનો વીડિયો બહાર આવ્યો છે કે જેમાં તે નાના પાટેકરના ભયાનકરૂપ વિશે વાત કરી રહી છે. અહીં આપને જણાવી દઈએ કે ડિમ્પલ કાપડિયા અને નાના પાટેકરે એકસાથે ઘણી હિટ ફિલ્મ્સમાં એકસાથે કામ કર્યું છે. ડિમ્પલ કાપડિયા અને નાના પાટેકરે સાથે કામ કર્યું હોય તેવી ફિલ્મ્સમાં ક્રાંતિવીર, અંગાર વગેરેનો સમાવેશ થાય છે.

નાનાને બહુ ઓછા લોકો પસંદ કરે છે

અત્યારે બહાર આવી રહેલ આ વીડિયોમાં ડિમ્પલ કાપડિયા, નાના પાટેકરના ગુસ્સા અને સ્વભાવ વિશે વાત કરી રહી છે. આ વીડિયોમાં ડિમ્પલ કાપડિયા જણાવી રહી છે કે ખરેખરમાં નાના પાટેકર ખૂબ જ અલગ પ્રકારના વ્યક્તિ છે. તેમને બહુ ઓછા લોકો પસંદ કરે છે. નાના ખૂબ જ અલગ વ્યક્તિ છે અને તેમનું ટેલેન્ટ તેમની સારી-ખરાબ હરકતો અને આદતો પર પડદો પાડી દે છે. તેઓ ખૂબ જ ગુણી વ્યક્તિ છે.

મેં નાના પાટેકરનું ભયાનકરૂપ પણ જોયું છે

આ વીડિયોમાં ડિમ્પલ કાપડિયા આગળ જણાવે છે કે તેમના ટેલેન્ટની સામે તો સો ખૂન પણ માફ છે, બધું જ માફ છે, નાના પાટેકર સાથે કામ કરવાનો મારો અનુભવ ખૂબ જ સારો રહ્યો છે. મેં નાના પાટેકરનું ભયાનકરૂપ પણ જોયું છે. ડિમ્પલ કાપડિયાનો આ વીડિયો આઠ વર્ષ જૂનો છે અને સોશિયલ મીડીયામાં ખૂબ જ વાઈરલ થઈ રહ્યો છે. ગત કેટલાક દિવસોથી નાના પાટેકરને લઈને બોલિવૂડમાં ઘણી ચર્ચાઓ ચાલી રહી છે. અત્યારે નાના પાટેકર રાજસ્થાનમાં પોતાની આગામી ફિલ્મ હાઉસફુલ-4ના શૂટિંગમાં વ્યસ્ત છે.