'ગંદી બાત' ફેમ એક્ટ્રેસ ગહના વશિષ્ઠની ધરપકડ, પોર્ન રેકેટ ચલાવવાનો આરોપ

મુંબઈ: પોર્નોગ્રાફિક વિડીયો મામલે એક મોટી કાર્યવાહી કરતા રવિવારે મુંબઈ ક્રાઈમ બ્રાન્ચે અલ્ટ બાલાજીની વેબ સીરિઝ 'ગંદી બાત'માં કામ કરી ચૂકેલી એક્ટ્રેસ ગહના વશિષ્ઠની ધરપકડ કરી છે. તે સાથે જ પોલીસ ગહના સાથે કામ કરનારા બધા મોડલ, સાઈડ એક્ટ્રેસ અને પ્રોડક્શન હાઉસ પર નજર રાખી રહી છે. તેના પર એડલ્ડ ફિલ્મોના શૂટિંગ મોબાઈલ એપ અને વેબસાઈટ પર અપલોડ કરવાનો આરોપ છે. ગહના 10 ફેબ્રુઆરી સુધી પોલીસની કસ્ટડીમાં રહેશે.

ઉલ્લેખનીય છે કે, ગહના 'મિસ એશિયા બિકિની'નો ખિતાબ જીતી ચૂકી છે અને ઘણી એડ ફિલ્મોની સાથે-સાથે બોલિવુડ અને તેલુગુ ફિલ્મોમાં પણ કામ કરી ચૂકી છે. આ પહેલા શનિવારે પણ ગહનાની આ મામલે પૂછપરછ કરવામાં આવી હતી.

અમારા સહયોગી ટાઈમ્સ ઓફ ઈન્ડિયાના અહેવાલ મુજબ, તેણે 87 આપત્તિજનક અને અશ્લીલ વિડીયો શૂટ કર્યા છે અને પોતાની વેબસાઈટ પર અપલોડ કર્યા છે. આ વેબસાઈટ પર કન્ટેન્ટ જોવા માટે સબ્સસ્ક્રિપ્શન કરવું પડે છે. મામલાની તપાસ કરી રહેલા એક સીનિયર પોલીસ અધિકારીએ જણાવ્યું કે, આ વિડીયો જોવા માટે સબ્સક્રિપ્શન લેવું પડે છે. જેના માટે 2,000 રૂપિયાની ચૂકવણી થાય છે. તેના દ્વારા જ ગહના અને તેની ટીમ રૂપિયા કમાઈ રહી હતી.

અહેવાલો મુજબ, ગહનાનું પોતાનું એક પ્રોડક્શન હાઉસ છે. જ્યાં ટીવી સીરિયલ્સ અને વેબ સીરિઝના શૂટિંગના નામ પર આ અશ્લીલ વિડીયો બનાવાતા હતા અને ત્યાંથી જ ઈન્ટરનેટ પર અપલોડ કરવામાં આવતા હતા. ક્રાઈમ બ્રાન્ચ અત્યારુ સુધીમાં આ મામલે 5 લોકોની ધરપકડ કરી ચૂકી છે.

આ વેબસાઈટ સામે ત્રણ લોકોએ ફરિયાદ નોંધાવી હતી. તે પછી ક્રાઈમ બ્રાન્ચે મડ આઈલેન્ડના ગ્રીન પાર્ક બંગલા પર રેડ કરી હતી અને ત્યાંથઈ યાસમીન બેગ ખાન, પ્રતિભા વલાવડે, મોનુ ગોપાલદાસ જોશી, ભાનુસૂર્યમ ઠાકુર અને મોહમ્મદ આસિફની ધરપકડ કરી હતી.


જણાવી દઈએ કે, અભિનેત્રી ગહના વશિષ્ઠનું સાચું નામ વંદના તિવારી છે. તેનો જન્મ છત્તીસગઢના ચિમરી ગામમાં થયો છે. તેને શરૂઆતથી જ અભિનય અને મોડલિંગમાં રસ હતો તેણે વર્ષ 2012માં મિસ એશિયા બિકિનીનો ખિતાબ પણ જીત્યો છે. તેના એક ફોટોશૂટના કારણે તેની સાથે ભૂતકાળમાં મારપીટ પણ થઈ હતી.

વર્ષ 2020માં ગહના એ સમયે ચર્ચામાં આવી હતી, જ્યારે તેનો એક વિડીયો સોશિયલ મીડિયા પર વાયરલ થઈ ગયો હતો. ગહના આ વિડીયોમાં પોતાની કમરની નીચેના ભાગમાં તિરંગો વીંટાળેલો હતો અને તેની સાથે તે ઘણી ઈરોટિક અંદાજમાં પોઝ આપી રહી હતી. આ વિડીયો વાયરલ થતા જ સોશિયલ મીડિયા પર ખળભળાટ મચી ગયો હતો. તે પછી મુંબઈમાં કેટલાક લોકોએ ગહના સાથે મારપીટ પણ કરી હતી. આ વિડીોય પર ગહનાએ સ્પષ્ટતા કરતા કહ્યું હતું કે, આ વિડીયો તેના કોઈ દોસ્તે અપલોડ કર્યો છે. જોકે, તેને ગહનાનો પબ્લિસિટી સ્ટંટ પણ કહેવામાં આવ્યો.

ગહનાએ અલ્ટ બાલાજીની વેબ સીરિઝ 'ગંદી બાત'માં નજર આવી હતી. તે ઉપરાંત તેણે સ્ટાર પ્લસ પર સીરિયલ 'બહને'માં કામ કર્યું હતું. ગહના અત્યાર સુધીમાં 80 જેટલી જાહેરાતોમાં કામ કરી ચૂકી છે. સાથે જ સાઉથની 30 ફિલ્મોમાં પણ કામ કર્યું છે. તેણે ક્રિકેટ વર્લ્ડકપ 2015માં યોગરાજ સિંહ અને અતુલ વાસનની સાથે એક શો પણ હોસ્ટ કર્યો હતો