લગ્નના 1 વર્ષમાં જ પતિથી અલગ થઈ આ એક્ટ્રેસ, 4 વર્ષ રિલેશનશીપમાં રહ્યા બાદ ફેરા ફર્યા હતા

એક્ટ્રેસ શ્વેતા બાસુ પ્રસાદએ એક વર્ષ પહેલા 13 ડિસેમ્બરે સીક્રેટ વેડિંગ કરીને સૌને ચોંકાવી દીધા હતા. પરંતુ હવે લગ્નના એક વર્ષ બાદ શ્વેતાએ પતિ સાથે ડિવોર્સ લેવાની જાહેરાત કરી છે, જે તેના લગ્નના સમાચરથી પણ વધુ આઘાતજનક છે. ‘મકડી’ ફિલ્મની એક્ટ્રેસ શ્વેતા બાસુ પ્રસાદે ઈન્સ્ટાગ્રામ પર પોસ્ટ મૂકીને પતિ રોહિત મિત્તલથી અલગ થવાની જાહેરાત કરી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો ઈન્સ્ટાગ્રામ પર પોસ્ટ શેર કરીને શ્વેતાએ લખ્યું, “રોહિત અને મેં સહમતિથી છૂટા પડવાનો નિર્ણય કર્યો છે. અમે અમારા લગ્નનો અંત આણવાનું નક્કી કર્યું છે. ઘણા મહિના બાદ એકબીજાની ભલાઈ માટે અમે આ નિર્ણય પર પહોંચ્યા છીએ. દરેક પુસ્તક એવા નથી હોતા કે તેને કવર પ્રમાણે વાંચી શકાય. કેટલાક પુસ્તકો એવા હોય છે જેને અધૂરા રાખવા જ યોગ્ય છે. આભાર રોહિત આટલી યાદગાર ક્ષણો માટે અને મને પ્રોત્સાહિત કરવા માટે. તારી આગળની જિંદગી સુખદ રહે તેવી કામના. તારી હંમેશની ચીયરલીડર.” મહત્વનું છે કે, શ્વેતાએ ગયા વર્ષે 13 ડિસેમ્બરે ફિલ્મ નિર્માતા રોહિત મિત્તલ સાથે ગુપચુપ રીતે લગ્ન કર્યા હતા. તેમના લગ્ન પૂણેની ગ્રાન્ડ હયાતમાં થયા હતા. શ્વેતા અને રોહિતના લગ્ન બંગાળી રીત-રિવાજોથી થયા હતા. લગ્ન બાદ તેમની તસવીરો સોશિયલ મીડિયા પર વાયરલ થઈ હતી. થોડા મહિના પહેલા ઈટાલીમાં રોમેન્ટિક વેકેશન માણતા શ્વેતા અને રોહિતની તસવીરો વાયરલ થઈ હતી. રોહિત અને શ્વેતાની પહેલી મુલાકાત ફેન્ટમ ફિલ્મ્સમાં થઈ હતી. લગ્ન કરતા પહેલા બંનેએ ચાર વર્ષ સુધી એકબીજાને ડેટ કર્યા હતા. વર્કફ્રંટની વાત કરીએ તો, શ્વેતા છેલ્લે ફિલ્મ ‘ધ તાશકંદ ફાઈલ્સ’માં જોવા મળી હતી. આ સિવાય વરુણ-આલિયાની ફિલ્મ ‘બદ્રીનાથ કી દુલ્હનિયા’માં મહત્વની ભૂમિકા ભજવી હતી. આ સિવાય શ્વેતાએ ટીવી સીરિયલ ‘ચંદ્ર નંદિની’માં પણ કામ કર્યું છે. નાગરિકતા સંશોધન બિલનો સ્વરા ભાસ્કરે કર્યો વિરોધ