દીપિકા, સારા અને શ્રદ્ધા ઉપરાંત 39 સેલેબ્સ પર NCBની નજર

સુશાંત સિંહ રાજપૂતના મોતની તપાસ કરતા નાર્કોટિક્સ કન્ટ્રોલ બ્યૂરોએ બોલિવૂડમાં ડ્રગ્સના ઉપયોગનો મોટો ખુલાસો કર્યો છે. એનસીબી રિયા ચક્રવર્તીને ધરપકડ કરી ચૂકી છે જ્યારે દીપિકા પાદુકોણ, શ્રદ્ધા કપૂર, સારા અલી ખાન, રકુલપ્રીત સિંહ અને ઘણા લોકોને સમન્સ મોકલી ચૂકાયા છે. ટાઈમ્સ નાઉની રિપોર્ટ મુજબ, 39 વધુ નામો પર NCBની નજર છે.

ટાઈમ્સ નાઉની મીડિયા રિપોર્ટ મુજબ, પકડાયેલા તમામ ડ્રગ પેડલર્સને લગભગ 39 નાના-મોટા એક્ટર્સના નામ બતાવ્યા છે. તેમાં ટીવી ઈન્ડસ્ટ્રીના લોકો પણ સામેલ છે. એનસીબી પહેલા આ નામોને વેરિફાઈ કરશે. તેમાંથી ઘણા નામ સુશાંત અને રિયા ચક્રવર્તી કેસ સાથે જોડાયેલા છે.

4 મેલ એક્ટર્સને મળી શકે છે સમન્સ
આ પહેલા રિપોર્ટ હતી કે 4 મેલ એક્ટર્સ પર એનસીબીની નજર છે. જયા સાહાએ પૂછપરછ દરમિયાન મોટા નામોનો ખુલાસો કર્યો છે. NCBની સામે હાજર થવા માટે દીપિકા પાદુકોણ, સારા અલી ખાન અને રકુલપ્રીત સિંહ મુંબઈ પહોંચી ચૂકી છે. આજે રકુલપ્રીત સિંહ પૂછપરછ માટે હાજર થઈ શકે છે. જ્યારે સારા અને દીપિકા પણ NCBની સામે હાજર થઈ શકે છે.

ઉલ્લેખનીય છે કે સુશાંત સિંહ રાજપૂતના મોતની તપાસમાં ડ્રગ્સ એન્ગલનો ખુલાસો થયો હતો. જે બાદ કેસમાં NCBની એન્ટ્રી થઈ હતી અને તેમણે રિયા ચક્રવર્તી તથા તેના ભાઈ શૌવિક ચક્રવર્તીની પૂછપરછ કરી હતી. પૂછપરછમાં તેમણે ડ્રગ્સની વાત સ્વીકારતા તેમની ધરપકડ કરવામાં આવી હતી. આ સાથે જ ડ્રગ પેડલરની પર ધરપકડ કરાઈ હતી. જેની પૂછપરછ દરમિયાન બોલિવૂડના અન્ય સેલેબ્સના નામ સામે આવી રહ્યા છે.