બોલિવુડનો દિગ્ગજ એક્ટર અજય દેવગણ વિવિધતાસભર રોલ કરવા માટે વખણાય છે. તેની પાસે તેના ફિલ્મોના રોલ જેટલું જ વિવિધતાસભર કાર કલેક્શન છે. અજય પણ બોલિવુડના દિગ્ગજ એક્ટર્સની જેમ કાર્સનો શોખીન છે. તેની પાસે લેન્ડ રોવર રેન્જ રોવર મિનિ કૂપર, BMW Z4 અને આવી બીજી અનેક કાર્સ છે. પરંતુ હવે તેણે અત્યાર સુધીની સૌથી મોંઘી કાર ખરીદી છે- ધ રોલ્સ રોય્સ કુલિનન. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો રિપોર્ટ્સ મુજબ અજય દેવગણે કુલિનનનો ઓર્ડર થોડા સમય પહેલા જ આપી દીધો હતો કારણ કે બધી જ કાર્સ ગ્રાહકની જરૂરિયાત મુજબ કસ્ટમાઈઝ કરીને ડિલિવર કરાય છે. આથી જ તેની ડિલીવરીમાં થોડો સમય લાગે છે. આ અત્યાર સુધીની ભારતીય માર્કેટની સૌથી મોંઘી SUV છે. આ કારની એક્સ-શોરૂમ કિંમત રૂ. 6.95 કરોડ છે. આ કિંમત બેઝ વેરિયન્ટ માટે છે. રોલ્સ રોય્સ તેના વાહનમાં સાવ ઓછી એક્સેસરીઝ આપે છે. મોટાભાગના ગ્રાહકો તેમાં કશુંક ઉમેરાવાનું પસંદ કરે છે જેને કારણે તેની કિંમતમાં વધારો થઈ જાય છે. જો કે આ સેલિબ્રિટીએ ખરીદેલી પહેલી રોલ્સ રોય્સ નથી. અગાઉ મુકેશ અંબાણીએ પણ કુલીનન ખરીદી હતી જે દેશની પહેલી આવી કાર છે. ટી-સીરીઝના ભૂષણ કુમાર પાસે લાલ રંગની રોલ્સ રોય્સ કુલિનન છે. અજય દેવગણે હજુ સુધી આ કારનો ફોટો નથી શેર કર્યો પણ એક ઈન્સ્ટાગ્રામ યુઝર જયંત કુમાર સિંહે અજયના ઘરની બહાર પાર્ક કારનો ફોટો શેર કર્યો છે. કારના પરમેનન્ટ રજિસ્ટ્રેશન નંબર પર સર્ચ કરતા આ વાહન અજય દેવગણનું હોવાનું જાણવા મળ્યું છે. રજિસ્ટ્રેશનની વિગત અનુસાર અજય દેવગણે 17 જુલાઈ 2019ના રોજ આ કાર બુક કરાવી હતી.
અજય દેવગણે ખરીદી દેશની સૌથી મોંઘી SUV, કિંમત જાણી દંગ રહી જશો
I am Gujarat 26 Aug 2019, 12:53 pm