અક્ષય કુમારે કોરોના સાથેની લડાઇ જીતી લીધી, 7 દિવસ પછી હોસ્પિટલથી ઘરે પરત ફર્યો

મુંબઈઃ અક્ષય કુમાર તાજેતરમાં કોરોના પોઝિટિવ થયો હતો. કોરોનામાં ચેપ લાગ્યો હોવાના એક દિવસ પછી હોસ્પિટલમાં દાખલ થયાના સમાચાર આવ્યા. આ સમાચાર પછી સોશિયલ મીડિયા પરના ચાહકો તેઓની તંદુરસ્તી સ્વસ્થ થાય અને ઘરે પાછા ફરે તેવી શુભેચ્છા પાઠવતા હતા. લાગે છે કે ચાહકો અને શુભેચ્છકોનો આ આશીર્વાદ ઝડપથી રંગ લાવ્યો છે. અક્ષયની પત્ની અને પૂર્વ અભિનેત્રી ટ્વિંકલ ખન્નાએ એક કાર્ટૂન પોસ્ટ કર્યું છે, જેમાં સંકેત આપવામાં આવ્યો છે કે અક્ષય કોરોના નેગેટિવ થયા પછી ઘરે પાછો ફર્યો છે.

ટ્વિંકલે કાર્ટૂન પોસ્ટ કર્યું અને લખ્યું- 'સ્વસ્થ અને સલામત ... તેમને ફરી અમારી આસપાસ જોવા સારું લાગી રહ્યું છે'. આ સાથે તેણે #alliswell લખ્યું છે.અક્ષયના ચાહકો આ પોસ્ટ જોઈને ખૂબ જ ખુશ છે. ઘણા ચાહકો ભગવાનનો આભાર માને છે, જ્યારે કેટલાકએ કોમેન્ટ કરી અને લખ્યું - 'શાનદાર સમાચાર'. અક્ષયની કોરોના નેગેટિવ પર ઘરે પાછા ફરવું એ તેમના પ્રશંસકો માટે ખરેખર ખુબ સારા સમાચાર છે.


આ પહેલા 5 એપ્રિલે અક્ષય કુમારે ટ્વીટ કર્યું હતું કે તેમને હોસ્પિટલમાં દાખલ કરવામાં આવ્યો છે. આ પરથી અનુમાન લગાવી શકાય છે કે સાત દિવસ સુધી હોસ્પિટલમાં કોરોના સામેની લડત લડ્યા બાદ અક્ષયે કોરોનાને હરાવી દીધો છે. ચાહકોનો આભાર માનતા તેમણે લખ્યું- 'તમારી પ્રાર્થના બદલ આભાર. એવું લાગે છે કે તે કામ કરી રહી છે, હું ઠીક છું, પરંતુ સાવચેતી માટે મને હોસ્પિટલમાં દાખલ કરવામાં આવ્યો છે. હું આશા રાખું છું કે જલ્દીથી ઘરે આવીશ, તમારી સંભાળ રાખો.

કોરોના પોઝિટિવ આવ્યા પહેલા અક્ષય તેની આગામી ફિલ્મ 'રામ સેતુ' માટે શૂટિંગ કરી રહ્યો હતો. આ સમય દરમિયાન તેનો કોરોના ટેસ્ટ પોઝિટિવ આવ્યો હતો. અક્ષય સિવાય ફિલ્મ 'રામ સેતુ'ના 45 જુનિયર કલાકારો પણ કોવિડ -19 પોઝિટિવ હોવાનું જાણવા મળ્યું છે. ફેડરેશનAફ વેસ્ટર્ન ઇન્ડિયા સિને એમ્પ્લોઇઝ (એફડબ્લ્યુઆઈસી) ના મહામંત્રી અશોક દુબેએ કહ્યું હતું - 'રામ સેતુની ટીમ તમામ સાવચેતી રાખી રહી છે. દુર્ભાગ્યપૂર્ણ છે કે જુનિયર આર્ટિસ્ટ એસોસિએશનના 45 લોકો કોરોના પોઝિટિવ મળ્યાં છે. તે બધા ક્વોરન્ટાઈન છે.