અક્ષય કુમારે વધારી પોતાની ફી, હવે એક ફિલ્મ માટે આટલા કરોડ વસૂલે છે

અક્ષય કુમાર બોલિવૂડમાં સફળ એક્ટર્સના લિસ્ટમાં ટોપ પર છે. પાછલા કેટલાક વર્ષો પર નજર કરીએ તો તેની વર્ષમાં એકથી વધારે ફિલ્મો આવે છે અને બધી બોક્સ ઓફિસ પર હિટ સાબિત થાય છે. હાલમાં ફોર્બ્સ તરફથી જાહેર કરાયેલી દુનિયાની 100 સૌથી વધુ કમાણી કરનાર સેલેબ્રિટીના લિસ્ટમાં અક્ષય કુમારનું નામ શામેલ થયું છે. રિપોર્ટ્સ મુજબ અક્ષય કુમારે હવે પોતાની ફી વધારી દીધી છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો અક્ષય કુમારે પોતાની ફી વધારતા એક ફિલ્મની ફી 54 કરોડ રૂપિયા કરી નાખી છે. ડેક્કન ક્રોનિકલ તરફથી જાહેર કરાયેલી રિપોર્ટમાં કહેવાયું છે કે અક્ષય કુમાર એક ફિલ્મ માટે 54 કરોડ રૂપિયા લઈ રહ્યો છે. આ પહેલા તે ઘણી ઓછી ફી લેતો હતો. રિપોર્ટમાં કહેવાયા મુજબ અક્ષય કુમારે 2012માં રાઉડી રાઠોડ ફિલ્મ માટે 27 કરોડ રૂપિયા લીધા હતા. જોકે હવે તે એક ફિલ્મ માટે 54 કરોડ રૂપિયા માગી રહ્યો છે. આ પહેલા અક્ષય કુમારનું નામ 2019ની હાઈએસ્ટ પેઈડ સેલેબ્રિટીના લિસ્ટમાં શામેલ થયું હતું. આ લિસ્ટમાં તે 33મા ક્રમે હતો. આ લિસ્ટ અનુસાર તેની કમાણી 6.5 કરોડ ડોલર (444 કરોડ રૂપિયા) છે. પાછલા એક વર્ષમાં તેણે ફિલ્મ માટે 34 કરોડ રૂપિયાથી 68 કરોડ રૂપિયા સુધી લીધા છે. આ વખતે સલમાન ખાનનું આ લિસ્ટમાં નામ શામેલ નથી. પાછલા વર્ષે 3.77 કરોડ ડોલર (257 કરોડ રૂપિયા)ની કમાણી સાથે તેનું નામ 82મા ક્રમે હતું. આ વર્ષ ફોર્બ્સની લિસ્ટમાં શામેલ થનારો અક્ષય કુમારે એકમાત્ર ભારતીય એક્ટર છે. કામની વાત કરીએ તો અક્ષય કુમારની મિશન મંગળ 15 ઓગસ્ટે રિલીઝ થઈ રહી છે. આ ફિલ્મ ભારત તરફથી મોકલાયેલા મંગળયાન પર આધારિત છે.