કંગનાની 'કરણની પપેટ'વાળી કૉમેન્ટ પર આલિયાનો જવાબ

I am Gujarat

આલિયાએ ‘મણિકર્ણિકા’ને સપોર્ટ ન કર્યો, કંગના બગડી

કંગના રનોટ આલિયા ભટ્ટને ફિલ્મ ‘મણિકર્ણિકા’ને સપોર્ટ ન કરવા માટે ઘણી ખરી-ખોટી સંભળાવી ચૂકી છે. કંગના જે આ ફિલ્મ દ્વારા ડિરેક્શનની ફીલ્ડમાં ઉતરી ચૂકી છે, તેણે ત્યાં સુધી કહી દીધું હતું કે, આલિયાને મહિલા સશક્તિકરણની આટલી મહત્વપૂર્ણ ફિલ્મનો સપોર્ટ કરવાની હિમ્મત દેખાડવી જોઈએ.

આલિયાને કરણની પપેટ ગણાવી

રિપોર્ટ્સ અનુસાર, તેણે ત્યાં સુધી કહ્યું હતું કે, આલિયાનું અસ્તિત્વ માત્ર કરણ જોહરની પપેટ માત્રનું છે અને તે આલિયાને સફળ માનતી નથી. તેણે કહ્યું હતું, ‘આશા છે કે, તે સફળતાનો અસલ મતલબ અને પોતાની જવાબદારી સમજશે.’ તેનો આ જવાબ આલિયાના એ નિવેદન બાદ આવ્યો હતો કે, જો ‘મણિકર્ણિકા’ને સપોર્ટ ન કરવાને કારણે કંગના નારાજ છે તો હું તેની પર્સનલી માફી માગી લઈશ.

કંગના સાથે પર્સનલી વાત કરીશ : આલિયા

જ્યારે આલિયાને કંગનાના જવાબ વિશે પૂછવામાં આવ્યું ત્યારે તેણે ઘણું સમજદારીથી કામ લીધું. આલિયાએ કહ્યું કે, તે આના પર રિએક્ટ કંગનાને પર્સનલી મળીને કરશે, મીડિયાની સામે નહીં.

આલિયાએ કંગનાની પ્રશંસા કરી

આલિયાએ કહ્યું, તે કંગનાને એક એક્ટર અને તેની ફિલ્મોની પસંદગીના કારણે પસંદ કરે છે સાથે જ તેના બિન્દાસ બોલવાવાળા નેચરને પણ પસંદ કરે છે. તેણે એમ પણ કહ્યું કે, તે કંગનાને અપસેટ કરવા નહોતી માગતી અને તેણે એવું કંઈ કર્યું નથી કે, તેને આવું રિએક્શન આપવામાં આવે.