એપશહેર

રેપ અને મર્ડરની ધમકીઓ આપનારાઓ સામે લીગલ એક્શન લેશે આલિયા બહેન શાહીન

Shailesh Thakkar | I am Gujarat 13 Jul 2020, 11:23 pm
I am Gujarat alia bhatt sister shaheen bhatt exposes rape and death threats and she will take legal action against it
રેપ અને મર્ડરની ધમકીઓ આપનારાઓ સામે લીગલ એક્શન લેશે આલિયા બહેન શાહીન


રેપની ધમકીઓને નજરઅંદાજ નહીં કરે શાહીન

બોલિવૂડ એક્ટ્રેસ આલિયા ભટ્ટની બહેન શાહીન ભટ્ટનું કહેવું છે કે, તે સોશિયલ મીડિયા પર મળનારી રેપની ધમકીઓ, હેરાસમેન્ટ અને હેટ મેસેજને ક્યારેય નજરઅંદાજ નહીં કરે. શાહીને સોમવારે પોતાના ઈન્સ્ટાગ્રામ એકાઉન્ટ પર ઘણા સ્ક્રીનશોટ્સ શેર કર્યા છે. આ એવા સ્ક્રીનશૉટ્સ છે જેમાં તેને રેપ અને મર્ડરની ધમકી આપવામાં આવી છે. આ સ્ક્રિનશૉટ્સની સાથે શાહીન ભટ્ટે લખ્યું ખે, ‘શું આ તમને આશ્ચર્યચકિત કરે છે? કેમ? આ મને આશ્ચર્યચકિત નથી કરતું.’

શેર કર્યા સ્ક્રીનશૉટ્સ

શાહીન ભટ્ટે કેટલાક આંકડા શેર કર્યા છે. જેમાં કહેવામાં આવ્યું છે કે, ભારતમાં દર 15 મિનિટે એક મહિલાનો રેપ થાય છે. તે કહે છે કે, આ આંકડા તેને આશ્ચર્યચકિત નથી કરતા કારણ કે, ભારતમાં આ લોકોને તેમની ઔકાત અને તેમની જગ્યા દેખાડે છે.

આવી કરતૂતો કરનારાને આપી ચેતવણી

શાહીને આગળ કહ્યું કે, ‘હું જ્યારે તે લોકો વિરુદ્ધ અવાજ ઉઠાવી જેઓ મને ઑનલાઈન રેપ, ઉત્પીડન અને હેટ મેસેજ મોકલે છે. સૌથી પહેલા હું તેમને બ્લૉક કરીશ અને ત્યારબાદ ફરિયાદ કરીશ. હું આવા લોકોના નામ પણ સમાજ સામે મૂકીશ. જે લોકો મને ગંદા મેસેજ મોકલશે, હું તેનાના નામ સાથે મેસેજને ઈન્ટરનેટ પર પોસ્ટ કરીશ. હું આવા લોકો વિરુદ્ધ લીગલ એક્શન પણ લઈશ. જો કોઈને લાગે છે કે, તેને શોધી શકાય તેમ નથી કારણ કે, આ બધું તે ફેક એકાઉન્ટથી કરી રહ્યો છે તો જણાવી દઉં કે, તમારું IP એડ્રેસ ટ્રેક કરી શકાય છે. હવે તમે છૂપાઈ નહીં શકો. કોઈનું શોષણ કરવું ગુનો છે.’

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો