સ્ટેજ પર બોલતી વખતે લપસી આલિયાની જીભ, ફેન્સની સામે બોલી ગઈ અશ્લીલ શબ્દ

તમને કરણ જોહરનો ચેટ શો તો યાદ જ હશે. જેમાં આલિયા ભટ્ટ એક સવાલનો જવાબ ન આપી શકવાના કારણે ખૂબ ટ્રોલ થઈ હતી. આ બાદ આલિયા ઘણીવાર મજાકનું કારણ બની છે. હવે એકવાર ફરી આલિયાની જીભ સ્ટેજ પર બોલતા બોલતા લપસી ગઈ. જોકે આ વખતે પણ કરણ જોહરના સવાલનો જ જવાબ આપી રહી હતી અને અચાનક માઈક પર તેના મોઢેથી અશ્લીલ શબ્દ નીકળી ગયો. જેને સાંભળતા જ દર્શકોએ શોર મચાવી દીધો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: હકીકતમાં રવિવારે આલિયા ભટ્ટ, કરીના કપૂર સાથે જિયો મામી મૂવી મેલા વિથ સ્ટાર્સ 2019માં પહોંચી હતી. અહીં નિર્દેશક કરણ જોહર સવાલ કરી રહ્યો હતો. કરણના એક સવાલના જવાબમાં આલિયા કરીના કપૂરની પ્રશંસા કરી રહી હતી. આલિયાએ કહ્યું કે, તેણે માત્ર ફિલ્મો જ ફિલ્મો કરી છે, લોકો કહેતા હોય છે કે તમારા લગ્ન થઈ જાય એટલે જિંદગી થોડી સ્લો થઈ જાય છે. પરંતુ તેની સાથે આવું નથી થયું. તમારું બાળક થાય તો આવું થશે, પરંતુ આવું કરીના સાથે નથી થયું. તે હંમેશા મારા અને મારા મિત્રો માટે પ્રેરણા રહી છે. અમે જ્યારે તેની તસવીર જોઈએ છીએ તો વિચારીએ છીએ કે તે કેટલી હોટ છે, તે કેટલી સુંદર છે. અહીં સુધી કે ચપ્પલ, ટ્રેક પેન્ટ અને ટી-શર્ટમાં પણ તે સુંદર લાગે છે. આટલું બોલતા-બોલતા જ આલિયાના મોઢેથી એક અશ્લીલ શબ્દ નીકળી જાય છે. આ સાંભળીને દર્શકો શોર મચાવી દે છે. જોકે શોના હોસ્ટ કરણ જોહર આલિયાના શબ્દને સાંભળી નથી શકતો અને પૂછી રહ્યો છે કે આલિયાએ શું કહ્યું ત્યારે કરીના તેને શબ્દ ફરીથી કહે છે. આ સાંભળીને જ કરણ જોર-જોરથી હસવા લાગે છે. આટલું જ નહીં બંને એક્ટ્રેસ પણ મોઢા પર હાથ મૂકીને હસવા લાગે છે. આલિયા ભટ્ટનો વિડીયો જોવા માટે અહીં ક્લિક કરો