જન્મ દિવસે અમિતાભ બચ્ચને માંગી પોતાના ચાહકોની માફી

એક તરફ તેના ઘરની બહાર મોટી સંખ્યામાં પોતાના ચાહકો જન્મ દિવસની શુભેચ્છા આપવા માટે એકઠા થયા હતા ત્યારે અમિતાભ બચ્ચન તેમનું અભિવાદન કરવા માટે ઘરની બહાર આવ્યા ન હતા. બચ્ચને ઘરની અંદર જ રહેવાનું પસંદ કર્યું હતું. જેના કારણે તેના ચાહકો ઘણા જ નિરાશ થયા હતા. જોકે, કોરોનાની પરિસ્થિતિને ધ્યાનમાં રાખતા બચ્ચન બહાર આવ્યા ન હતા.

ચાહકો નિરાશ થયા હતા તેની સાથે અમિતાભ બચ્ચન પણ તેમને ન મળી શક્યા તેના કારણે નિરાશ થયા હતા. તેમણે પોતાના લોકપ્રિય બ્લોગ પર તેના ચાહકોની માફી માંગી હતી. તેમણે લખ્યું હતું કે, કેટલાક લોકો જલસાની બહાર આવ્યા હતા તેમની હું માફી માંગુ છું. તેના તે પ્રયાસ બદલ હું તેમનો આભાર માનું છું પરંતુ મને ઘરની બહાર આવવાની મંજૂરી આપવામાં આવી ન હતી, કાળજી રાખવી જરૂરી છે, તેથી હું તમારી માફી માંગુ છું.

અમિતાભ બચ્ચને સોશિયલ મીડિયા પર તેના ચાહકોનો આભાર માન્યો હતો. તેમણે જન્મ દિવસની શુભેચ્છાઓ પાઠવનારા તમામ ચાહકોનો આભાર માનતી ટ્વિટ કરી હતી. તેમણે લખ્યું હતું કે, 11મી ઓક્ટોબરે મારા જન્મ દિવસની શુભેચ્છાઓ પાઠવનારાઓનો આભાર માનું છું. મારી લાગણીઓ શબ્દોમાં અભિવ્યક્ત કરી શકું તેમ નથી. આભાર શબ્દ પણ ઘણો નાનો છે.