‘ઉઠો રાજૂ, બસ હવે બહુ થયુ....’, રાજુ શ્રીવાસ્તવને સંભળાવવામાં આવી રહ્યો છે બિગ બીએ મોકલેલો આ ઓડિયો મેસેજ!

કોમેડિયન રાજુ શ્રીવાસ્તવની સ્થિતિ અત્યારે સ્થિર છે. પરિવારના લોકો સતત ફેન્સને અભિનેતાના સ્વાસ્થ્યની જાણકારી આપી રહ્યા છે. રાજુ શ્રીવાસ્તવના ખાસ મિત્ર અને કોમેડિયન સુનીલ પાલ પણ સતત અપડેટ આપતો રહે છે. ઉલ્લેખનીય છે કે, જીમમાં રાજુ શ્રીવાસ્તવને હાર્ટ અટેક આવ્યો હતો. શુક્રવારના રોજ હોસ્પિટલના સૂત્રોએ જણાવ્યું કે, રાજૂ એઈમ્સમાં સારા ડોક્ટર્સની દેખરેખ હેઠળ છે અને અત્યારે તેઓ વેન્ટિલેટર પર છે. આ દરમિયાન એક જાણકારી એવી પણ સામે આવી રહી છે કે અમિતાભ બચ્ચને રાજૂ શ્રીવાસ્તવ માટે એક ખાસ ઓડિયો મેસેજ મોકલ્યો છે.

Canada છે Akshay Kumarનો પ્લાન B! ત્યાંની નાગરિકતા લેવાનું સાચું કારણ આખરે જણાવી દીધું!
રાજૂ શ્રીવાસ્તવ અમિતાભ બચ્ચનને પોતાના આદર્શ માને છે. તે ઘણીવાર સ્ટેજ પર અમિતાભ બચ્ચનની મિમિક્રી કરતા જોવા મળ્યો હતો. અમિતાભ બચ્ચનને આ પ્રકારે મેસેજ મોકલ્યો તે રાજુ માટે ઘણી મોટી વાત છે. હોસ્પિટલમાં સારવાર લઈ રહેતા અભિનેતા માટે બિગ બીએ એક ભાવુક કરનારો ઓડિયો મેસેજ મોકલ્યો છે. આ ઓડિયો રાજુ માટે કોઈ ‘ગેટ વેલ સૂન’ ગિફ્ટથી કમ નથી. પ્રાપ્ત જાણકારી અનુસાર ડોક્ટર્સ રાજૂને આ ઓડિયો સંભળાવી પણ રહ્યા છે.

સૂત્રો દ્વારા પ્રાપ્ત જાણકારી અનુસાર, અમિતાભ બચ્ચને રાજૂના ફોન પર પહેલાથી ઘણાં મેસેજ મોકલ્યા હતા. પરંતુ સ્થિતિની ગંભીરતાને કારણે પરિવારનું ધ્યાન નહોતુ ગયું. ત્યારપછી પરિવારે વિનંતી કરી કે જો તેઓ આ જ મેસેજ ઓડિયોમાં મોકલશે તો કોમેડિયનને સંભળાવી શકાય. બની શકે કે પોતાના આદર્શ અમિતાભ બચ્ચનનો અવાજ સાંભળીને તે કંઈક પ્રતિક્રિયા આપે.

Raju Srivastavaના મોતની અફવા ઉડતાં પરિવારે આપી હેલ્થ અપડેટ, સારા સ્વાસ્થ્યની કામના કરવા અપીલ કરી

રાજુના પરિવાર તરફથી પ્રાપ્ત જાણકારી અનુસાર બિગ બીએ ઓડિયોમાં કહ્યું છે- રાજુ ઉઠો, બસ હવે બહુ થયું. હજી તો ઘણું કામ કરવાનું બાકી છે. હવે ઉઠી જાઓ અને અમને લોકોને હસતા શીખવાડો. તમને જણાવી દઈએ કે રાજુ શ્રીવાસ્તવ ઘણીવાર કહી ચૂક્યો છે કે તે અમિતાભ બચ્ચનનો ઘણો મોટો ફેન છે. અમિતાભ બચ્ચન સિવાય વડાપ્રધાન નરેન્દ્ર મોદી સહિત અનેક નેતાઓએ ફોન કરીને ખબર અંતર પૂછ્યા છે.

સુનીલ પાલે વીડિયો શેર કરીને જણાવ્યું છે કે, રાજૂના સ્વાસ્થ્ય બાબતે અમે ઘણાં ચિંતિત છીએ. ઘણી અફવા પણ ઉડી રહી છે. પણ તે આપણી પ્રાર્થનાઓને કારણે સાજા થઈ રહ્યા છે. તેમની રિકવરી ધીમી છે. 11 ડોક્ટર્સની ટીમ તેમની સારવાર કરી રહી છે. દેશના તમામ નેતાઓ મદદ માટે આગળ આવ્યા છે. જો ઈશ્વરની ઈચ્છા હશે તો રાજૂભાઈ ટૂંક સમયમાં આપણી પાસે પાછા આવી જશે.