KBCના સેટ પર ફેસ શિલ્ડમાં દેખાયા અમિતાભ બચ્ચન, સતત 17 કલાક શૂટિંગ કરીને ઘરે ગયા

કોવિડ-19થી જંગ જીત્યાના એક મહિના બાદ બોલિવૂડના મહાનાયક અમિતાભ બચ્ચને 'કૌન બનેલા કરોડપતિ' સીઝન 12નું શૂટિંગ શરૂ કરી દીધું છે. શૂટિંગ શરૂ થયા બાદથી જ અમિતાભ સોશિયલ મીડિયા પર સેટની તસવીરો અને વિડીયો શેર કરી રહ્યા છે. પોતાની સુરક્ષાને લઈને અમિતાભ સાવધાની દાખવી રહ્યા છે. સાથે જ બતાવી રહ્યા છે કે કેવી રીતે સમગ્ર ક્રૂ કોવિડ-19ના નિયમોનું પાલન કરી રહ્યું છે.

આ વચ્ચે અમિતાભ બચ્ચને કેબીસી 12ના સેટ પરથી પોતાની એક તસવીર ઈન્સ્ટાગ્રામ પર શેર કરી છે. જેમાં તેઓ એક વાદળી રંગના શૂટમાં દેખાય છે અને તેમણે પોતાનો ચહેરો ફેસ શીલ્ડથી ઢાંકેલો છે. આ તસવીરને શેર કરતા અમિતાભ લખ્યું, 'સુરક્ષિત રહો... અને સુરક્ષામાં રહો.'


જણાવી દઈએ કે અમિતાભ બચ્ચન 77 વર્ષના થઈ ચૂક્યા છે. પરંતુ કામને લઈને તેમનું પેશન પહેલા જેવું જ છે. અમિતાભ ગુરુવારે કેબીસી 12 માટે સતત 17 કલાક સુધી શૂટિંગ કર્યું. મોડી રાત્રે ઘરે આવ્યા બાદ 2.37 વાગ્યે તેમણે એક બ્લોગ લખીને તેની જાણકારી આપી. તેમણે લખ્યું- 'થોડા સમય પહેલા જ કામ પરથી પાછો ફર્યો છું અને આ એક દિવસમાં લગભગ 17 કલાક કામ કર્યું. કોવિડ-19 બાદ શરીર માટે આટલું પર્યાપ્ત અને ફાયદાકારક છે.

સાથે જ તેમણે શોના એક કન્ટેસ્ટન્ટ વિશે પણ વાત કરી. ફાસ્ટેસ્ટ ફિંગર ફર્સ્ટ જીતનારા કન્ટેસ્ટન્ટ્સનો ભાવને શેર કરતા તેમણે લખ્યું, આર્થિક સંઘર્ષ છતાં કન્ટેસ્ટસ્ટન્ટ્સના ચહેરા પર હાસ્ય હોય છે. તેઓ ઈમોશનલ થઈ જાય છે. હાથ જોડે છે. હોટ સીટ માટે બેકાબૂ થઈ જાય છે અને ફાઈનલી તેમની પ્રતિક્ષા ખતમ થઈ.

અમિતાભ આગળ લખે છે, કન્ટેસ્ટન્ટને ઉમ્મીદ થઈ જાય છે કે તેઓ હવે તેમની લોન ચૂકવી દેશે. બીમારોની સારવાર કરાવી શકશે. પોતાનું ઘર બનાવી શકશે અને પોતાના બાળકોનું ભવિષ્ય સુરક્ષિત કરી શકશે. ઘણા લોકોએ પોતાની આખી જિંદગીમાં આટલો મોટો ચેક હાથમાં નથી પકડ્યો. ઘણા તે અમાઉન્ટમાં ઝીરો પર આવીને અટકી જાય છે, કારણ કે તેઓ તેને ગણવાનું શરૂ કરી દે છે અને સાચો જવાબ આપવાની તેટલી ખુશી. જેવી કે તેમણે ઉમ્મીદ પણ નહીં કરી હોય.