અનુષ્કા શર્માને BMC તરફથી મળી ક્લીન ચિટ

BMCને મે મહિનામાં ફરિયાદ મળી હતી કે અનુષ્કા શર્માએ વર્સોવામાં ટાવરના 22મા ફ્લોર પર પેસેજમાં એક મોટું ઈલેક્ટ્રિક જંક્શન બોક્સ લગાવ્યું છે, જે આપત્તિજનક છે. જો કે આ કેસમાં અનુષ્કાને હવે ક્લીન ચીટ મળી ગઈ છે. ઉલ્લેખનીય છે કે અનુષ્કા વર્સોવાના બદ્રીનાથ ટાવરમાં રહે છે. ત્યાં રહેતા અન્ય એક રહેવાસી સુનિલ બત્રા જે ફ્લેટના 16મા અને 17મા ફ્લોર પર રહે છે, તેમણે મ્યુનિસિપલ કમિશ્નર અજય મહેતાને ફરિયાદ કરી હતી કે, શર્માએ ઈલેક્ટ્રોનિક જંક્શન બોક્સ ગેરકાયદેસર રીતે લગાવ્યું છે, જેમાં આખા ફ્લોરની વાયરિંગ છે. બે લાકડાના કેબિનેટ છે, જે વોલપેપરથી કવર કરવામાં આવેલા છે અને તેને લોક રાખવામાં આવ્યા છે. આ ફાયર બ્રિગેડ નિયમનું ઉલ્લંઘન છે અને હાઈકોર્ટ તરફથી પણ કોમન એરિયાને ફ્રી રાખવાનો આદેશ છે. આ ફરિયાદ પર કાર્યવાહી કરતાં બીએમસીએ તે સ્થળની તપાસ કરી હતી અને બે મહિના પછી ફરિયાદી બત્રાને લેટર લખીને જણાવ્યું હતું કે, ઈલેક્ટ્રિકલ જંક્શન બોક્સ દીવાલ પર ફિક્સ છે. અને તે આખો પેસેજ મિસ્ટર શર્મા(અનુષ્કાના પિતા)એ ખરીદ્યો છે.