પ્રેગ્નેન્ટ અનુષ્કા શર્માએ ના માની પિતાની વાત, જેની મનાઈ હતી તે જ કામ કર્યું

મોમ-ટુ-બી અનુષ્કા શર્મા સોશિયલ મીડિયા પર એક્ટિવ રહે છે. જ્યારે પણ અનુષ્કા ઈન્સ્ટાગ્રામ પર કોઈ તસવીર શેર કરે ત્યારે વાયરલ થઈ જાય છે. પ્રેગ્નેન્સીની જાહેરાત કર્યા બાદ અનુષ્કા શર્મા ફેન્સ સાથે ઘણી ક્યૂટ તસવીરો શેર કરી રહી છે. આ તસવીરોમાં અનુષ્કાનો બેબી બંપ સૌનું ધ્યાન ખેંચી રહ્યો છે.


દુબઈથી મુંબઈ આવ્યા બાદ અનુષ્કા હાલ પોતાના પેરેન્ટ્સ સાથે સમય વિતાવી રહી છે. અનુષ્કાએ હાલમાં જ ઈન્સ્ટાગ્રામ સ્ટોરીમાં પોતાના ડોગ સાથે તસવીર શેર કરી હતી. અનુષ્કા પોતાના પાલતુ કૂતરા સાથે હળવાશની ક્ષણો માણી રહી હતી. તસવીરમાં જોઈ શકો છો કે, અનુષ્કાનો ડોગ તેના ખોળામાં આરામ ફરમાવી રહ્યો છે.


આ ઉપરાંત અનુષ્કાએ ગુરુવારે સાંજે 'ચાય ટાઈમ'નો ફોટોગ્રાફ શેર કર્યો હતો. ખાસ વાત છે કે આ તસવીર અનુષ્કાના પિતાએ ક્લિક કરી હતી. તસવીરમાં અનુષ્કા શર્મા ખુરશીમાં બેઠેલી છે. પેસ્ટલ પિંક ડ્રેસમાં અનુષ્કા કેમેરા સામે જોઈને મોટી સ્માઈલ આપી રહી છે. આ તસવીરનું કેપ્શન વાંચશો તો સમજાશે અનુષ્કા કેટલી નટખટ છે. પિતા સાથે કેવી મસ્તી કરી છે. અનુષ્કાએ તસવીર શેર કરતાં લખ્યું, "જ્યારે પપ્પા ચાય ટાઈમ કેન્ડિડ ફોટો ક્લિક કરે અને ફ્રેમમાંથી પોતાને કાપી નાખવાનું કહે પરંતુ તમે આવું નથી કરતાં કારણકે દીકરી છો.🤪💗"

આ તસવીરમાં જોઈ શકો છો કે ફોટો પાડી રહેલા અનુષ્કાના પિતાનો પડછાયો કાચમાં દેખાય છે. પિતાએ અનુષ્કાને ફોટોમાંથી તેમને ક્રોપ કરવાનું કહ્યું હતું પરંતુ અનુષ્કાએ આમ ના કરીને તેમના પડછાયા સાથેનો જ ફોટો અપલોડ કરી દીધો હતો. આ તસવીરમાં અનુષ્કા શર્માના ચહેરા પર પ્રેગ્નેન્સીનો ગ્લો પણ દેખાય છે.


ઉલ્લેખનીય છે કે, વિરાટ કોહલી અને અનુષ્કા શર્માના પહેલા સંતાનનો જન્મ જાન્યુઆરી 2021માં થવાનો છે. ઓગસ્ટ મહિનામાં 'વિરુષ્કા' પ્રેગ્નેન્સીની જાહેરાત કરતાં ફેન્સની ખુશીનો પાર નહોતો. થોડા સમય પહેલા જ IPL ચાલતી હતી ત્યારે અનુષ્કા પતિ વિરાટ સાથે દુબઈમાં હતી. અનુષ્કા શર્મા ઘણીવાર ત્યાં સ્ટેડિયમમાં મેચ જોવા જતી હતી અને પતિને ચીયર કરતી હતી. સ્ટેડિયમમાંથી અનુષ્કાની ઘણી તસવીરો વાયરલ થઈ હતી. હાલ તો વિરાટ કોહલી ઈન્ડિયન ક્રિકેટ ટીમ સાથે ઓસ્ટ્રેલિયાની ટૂર પર છે પરંતુ અનુષ્કાની ડિલિવરી પહેલા મુંબઈ પરત આવી જશે.

વર્કફ્રંટની વાત કરીએ તો, અનુષ્કા શર્મા છેલ્લે ફિલ્મ 'ઝીરો'માં જોવા મળી હતી. આ ફિલ્મમાં તેની સાથે શાહરૂખ ખાન અને કેટરિના કૈફ હતા. 2018 પછી અનુષ્કા કોઈ ફિલ્મમાં જોવા નથી મળી અને તેણે આગામી પ્રોજેક્ટની જાહેરાત પણ નથી કરી.