અર્જુન કપૂરે શેર કરી તસવીર, મલાઈકાની કોમેન્ટે ખેંચ્યું ફેન્સનું ધ્યાન

અર્જુન કપૂર અને મલાઈકા અરોરા ફેન્સને કપલ્સ ગોલ્સ આપી રહ્યા છે. બંનેની હાલમાં સોશિયલ મીડયા પોસ્ટ પર થયેલી ચેટ જોઈને બંને પર પ્રેમનો રંગ બરાબરનો ચડી ગયો હોય તેમ લાગી રહ્યું છે. અર્જુન કપૂરે ફેન્સ સાથે પોતાની ચાર્મિંગ તસવીર શેર કરી છે અને લખ્યું છે કે, 'જ્યારે તે તમારી સામે જુએ'. જેના પર તરત જ કોમેન્ટ કરતાં મલાઈકાએ પૂછી લીધું કે, 'કોણ???'. જેનો જવાબ આપતાં અર્જુને લખ્યું કે, 'મલાઈકા અરોરા...તું વિચાર ફુલ'. અર્જુને મલાઈકાને 'ફુલ' કહી છે અને બંનેની આ મજાકને સોશિયલ મીડિયા યૂઝર્સ 'રોમેન્ટિક' કહી રહ્યા છે.


હાલ અર્જુન કપૂર હિમાચલપ્રદેશમાં સૈફ અલી ખાન, યામી ગૌતમ અને જેક્લીન ફર્નાન્ડિઝ સાથે અપકમિંગ ફિલ્મ 'ભૂત પોલીસ'નું શૂટિંગ કરી રહ્યો છે. ત્યારે મલાઈકા અરોરા બોયફ્રેન્ડ સાથે દિવાળીનો તહેવાર ઉજવવા માટે ત્યાં પહોંચી ગઈ હતી. મલાઈકા અને અર્જુને એક પણ કપલ ફોટો પોસ્ટ નહોતો કર્યો, પરંતુ તેઓ સૈફ, કરીના અને તૈમૂર સાથે રસ્તા પર ટહેલતા જરૂરથી જોવા મળ્યા હતા.


આ પહેલીવાર નથી જ્યારે અર્જુને મલાઈકાને ફુલ કહી હોય. 23મી ઓક્ટોબરે એક્ટ્રેસના જન્મદિવસ પર પણ અર્જુને ઈન્સ્ટાગ્રામ સ્ટોરીમાં મલાઈકાની તસવીર શેર કરી હતી અને લખ્યું હતું કે, 'હેપી બર્થ ડે મારી FOOL'.

અર્જુન અને મલાઈકા રિલેશનશિપમાં હોવાનું જ્યારથી સામે આવ્યું છે ત્યારથી તેમના લગ્નની અટકળો પણ ચાલી રહી છે. આ વિશે અગાઉ વાત કરતાં મલાઈકાએ કહ્યું હતું કે, 'ખુશીઓ તમારી મગજની મનોદશા પર આધારિત હોય છે. હા, હું ખુશ છું. પરંતુ હું શું કામ તેના વિશે જણાવું. દરેક વ્યક્તિ કોઈને કોઈ આવી અફવાઓથી જરૂરથી ઘેરાઈ છે. આવા અનુમાન લોકો કરતાં હોય છે. અમે પહેલા પણ કહી ચૂક્યા છીએ કે લગ્નનો અમારો કોઈ પ્લાન નથી'.

એક વેબસાઈટને આપેલા ઈન્ટરવ્યૂમાં અર્જુને પણ કહ્યું હતું કે 'હું પ્રોફેશનલ અને પર્સનલ એમ બંને ફ્રંટથી ખુશ છું. હું હંમેશાથી ઘણા ખુલ્લા વિચારોવાળું છું. મારો વિશ્વાસ કરો હું ક્યારે તમને આઘાત નહીં આપું. જો કોઈ જણાવવા જેવી વાત હશે તો હું તમને પહેલા જણાવીશ.હું મારી ખુશીમાં તમને જરૂરથી સામેલ કરીશ’.