આશિષે ગુરુવારે રૂપાલી સાથે રજિસ્ટર્ડ મેરેજ કર્યા
Ashish Vidyarthi marries Kolkata fashion entrepreneur: બોલિવૂડના ફેવરિટ વિલન આશિષ વિદ્યાર્થીએ 60 વર્ષની ઉંમરે અસમની રૂપાલી બરુઆ સાથે લગ્ન ( Ashish Vidyarthi marries Rupali Baruah) કર્યા છે. આશિષે ગુરુવારે રૂપાલી સાથે રજિસ્ટર્ડ મેરેજ કર્યા છે. અભિનેતાના આ બીજા લગ્ન છે. આશિષ તેના લગ્ન પ્રસંગે કહે છે કે, 'જીવનના આ તબક્કે રૂપાલી સાથે લગ્ન કરવા એ એક અસામાન્ય લાગણી છે.' આશિષ અને રૂપાલીના લગ્નની તસવીરો સોશિયલ મીડિયા પર વાયરલ થઈ છે.
તેમણે ક્યારે છૂટાછેડા લીધા?
જ્યારથી આશિષ વિદ્યાર્થીના લગ્નના સમાચાર આવ્યા છે ત્યારથી દરેક વ્યક્તિ જાણવા માગે છે કે તેમણે ક્યારે છૂટાછેડા લીધા? તેમની પ્રથમ પત્ની રાજોશી વિદ્યાર્થી (Ashish Vidyarthi's first wife Rajoshi) હજુ પણ પતિની અટક રાખે છે? હવે તેમના પુત્રનું શું થશે? તે કોની સાથે રહેશે? રાજોશી વિદ્યાર્થીએ આખરે ભૂતપૂર્વ પતિ આશિષના લગ્ન પર પોતાનું મૌન તોડ્યું છે. તેણે એક ઈન્ટરવ્યુમાં દરેક સવાલના જવાબ આપ્યા છે.
અમે 22 વર્ષથી ખૂબ સારા મિત્રો છીએ
રાજોશી (Rajoshi)એ કહ્યું કે હા, તેઓ અલગ થઈ ગયા છે. પરંતુ તેમણે આ બધું મીડિયામાં ક્યારેય જણાવ્યું નથી. કારણ કે આ તેમનું અંગત જીવન છે, જેને તે ખાનગી રાખવાનું પસંદ કરે છે. રાજોશીએ કહ્યું, 'અમે 22 વર્ષથી ખૂબ સારા મિત્રો છીએ અને આ મિત્રતા આજે પણ ચાલુ છે. અમે ઘણાં સારા પાર્ટનર રહ્યા છીએ. વર્ષોથી ઘણું ટ્રાવેલિંગ કર્યું છે. અમારા બંનેની પસંદ સરખી છે. કેટલીક બાબતો પર અમે સહમત ન હોઈએ તો પણ અમારી વચ્ચે ક્યારેય ઝઘડો થતો નથી. અમારો એક દીકરો પણ છે.
છેલ્લા બે વર્ષથી અમે અલગ થવાનો પ્રયાસ કરી રહ્યા હતા
તેમણે આગળ વાત કરતા જણાવ્યું કે, મારો દીકરો મોટો થઈ ગયો છે અને હવે વિદેશમાં ટેસ્લા કંપનીમાં કામ કરે છે. એક અભિનેતા તરીકે મેં જે કરવું હતું તે કર્યું. અમારી (મારી અને આશિષની) ભાવિ ઇચ્છાઓ અલગ છે. તેમને પણ તેમના સપના પૂરા કરવાનો અધિકાર છે. અમે અલગ અલગ પ્રકારના વ્યક્તિ છીએ. છેલ્લા બે વર્ષથી અમે અલગ થવાનો પ્રયાસ કરી રહ્યા હતા. હવે તે તેની કારકિર્દીમાં સારું પ્રદર્શન કરી રહ્યો છે.