ડ્ર્ગ્સ રેકેટમાં બાહુબલી-2ના આ કલાકારની પુછપરછ

I am Gujarat

એક્ટર સુબ્બારાજુની પુછપરછ

હૈદરાબાદઃ ગત સપ્તાહે હૈદરાબાદમાં ડ્રગ્સ રેકેટનો ભાંડોફૂટતા દક્ષિણ ભારતના કેટલાય ફિલ્મ કલાકારો પોલીસની તપાસમાં આવી ગયા છે. આ મામલે બાહુબલી-2માં જોવા મળેલ એક્ટર પી સુબ્બારાજુને શુક્રવારે એક્સાઈઝ એન્ડ પ્રોહીબિશન ડિપાર્ટમેન્ટની સ્પેશયલ ઈન્વેસ્ટીગેશન ટીમ (એસઆઈટી)એ પુછપરછ કરી હતી.

ફિલ્મ ઈન્ડસ્ટ્રીઝના 12 લોકોને સમન્સ

બાહુબલી ફિલ્મના એક સીનમાં સુબ્બારાજુ SITના અધિકારીઓએ સુબ્બારાજુ પાસે ડ્રગ રેકેટમાં પકડાયેલા લોકો પાસે તેમનો નંબર મળ્યો હોવા બાબતે પુછપરછ કરી હતી. આ મામલામાં સુબ્બારાજુ એકલો નથી. તેલુગૂ ફિલ્મ ઈન્ડસ્ટ્રીના 12 લોકોને એસઆઈટીએ સમન્સ મોકલ્યા છે. બુધવારે ડિરેક્ટર પુરી જગ્નાધની પણ 10 કલાક અને સિનેમેટોગ્રાફર શ્યામ નાયડૂની 6 કલાક એસઆઈટીએ પુછપરછ કરી હતી.

15 ડ્રગ્સ સ્મગલરોની ધરપકડ

સુબ્બારાજુ ગત સપ્તાહે હૈદારાબાદ પોલીસે ડ્રગ્સ સ્મગલરો સામે ચલાવેલા અભિયાન અંતર્ગત 15 ડ્રગ્સ સ્મગલરોની ધરપકડ કરી હતી. તેમની પાસેથી મળેલા સિમકાર્ડમાં તેલુગૂ ફિલ્મ ઈન્ડસ્ટ્રીના લોકોના નંબર મોટી સંખ્યામાં મળી આવ્યા છે. કેટલાક નંબરો એવા પણ છે કે જેના પર લાંબી વાતચીત પણ થઈ છે.